Génesis 27:4 - Sharanahua: Diospan Tsain

⁴ Ascan rutushon un fuchipaiyai cuscan ua pichashohuun ua pimashquin. Min ua asca huaino un nataima un mia inon pacoai cuscan ahuu cuscara sharamain min ashquicai un mia tapimanon, —ishon ahuun facu iyoa yoini.

Génesis 27:4 ပူးပေါင်းရင်းမြစ်များ

Génesis 14:19

Asca huatan Melquisedec Abram yoiquin isca huani, —Nocon Diosin nantifi finoncoian. Nanton nantifi onihuani. Nantifi mai anoa oni huafain nai murannoafori oni huani. Abram, Diosin mia shara huanon. Upa Diosin nantifi finoncoian fasi sharacoin. Ahuunshon nan mia noicasmafo min ato finonfain ato min achiaran, —ishon Melquisedec Abram yoini. Ascaiton Abram nantifi aya cuscan fusti rasi Melquisedec inanpacuni.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 27:14

Nantian Jacob cani ahua chashohuan cahua sharashta rafu fishoicai. Fushoano Isaac fuchipaiyai cuscara Rebeca pichashoni.

Génesis 27:17

Ascashon a pichamua ahuun facu inanni misi yafin.

Génesis 27:19

—Unquian Esaú, min facu iyoa. Min ua yoia cuscan mun aca. Funinacahuanhuun, upa, un mia fushoa cuscan pihuu. Mian yoi sharapaiyai cuscan ua yoihuun, —huaiton.

Génesis 27:23

Onancai huanima porani ichapayacoincun Esaú cuscara.

Génesis 27:25

—Uhuun facun mian fushoan cuscan ua pimahuu. Piishon un mia yoisharaicai, —huani. Ascano Jacob apa pimafain fimi unuri aqui ayamani. Ascano Isaac pifain aqui ayani.

Génesis 27:27

Fishtafuranaiton ahuun camisa shutuni. Ascatan furun iyoa yoi sharapaiyai cuscacoin yoisharani isca huaquin, —Nii murannoa ahuun itsa cuscara uhuun facu un shutui. Ascan mun tapia natian Upa Diosin uhuun facu shara huashquiai cusca un yoiyoi.

Génesis 27:31

Nocotan arifi nami sharacoin apa pichashoni pimashquin. Apa fuchipaiyai cuscara pichashon apa foshoni. —Funinacahuahuun upan, un mia yoina rutushona un mia pichashon un mia fushoan. Piishon mian yoisharapaiyai cuscan ua yoi sharahuun, —huaiton.

Génesis 27:5

Ascafia Isaac aton facu Esaú yoiai cuscan ahuin Rebeca nicani. Ascano Esaú nimuran cani yoina funai cai ahua Rebeca ahuun facu chipocu Jacob cunani aqui onon.

Génesis 27:7

Yoia isca huaquin, “Ua yoina shara funashohuun. Rutushon ua fushohuun. Un fuchipaiyai cuscan ua pichashoshquin un pinon. Min ascaiton Upa Diosi noco nicaino un nataima Diosin mia ashoaishara cuscan un mia inon pacoai tapimatiroran,” ishon upan min ochi yoia.

Génesis 27:9

Inafo ano catahuu. Nannoa chashohuan yomu rafu ua fushohuun. Min upa fuchipaiyai cuscan un pichashonon.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 48:9

José cumani, —Upashtan. Na rafu uhuun facu. Diosin nuno Egipcio mai anoshon ua inan, —huaiton. —Nan facu rafu uqui chaimashta ihuuhuun Dioshuunshon atohuunoa un tsain shara yoinon, —ishon yoini.

Génesis 49:28

Nan doce Israel ahuun facufo. Nannori ato yoipacuni. Chipo aton funafo doce mani futsafo icafo ini.

Lucas 2:34

Ascashon Simeón Diospan Yoshin Sharahuunshon ahua María yoisharaquin isca huani, —Min facu nan nocon caifo Israelifo atirifoan nicacasmacanashu omitsiscapanacafo. Ascan min facu nicacasmaifoanno min fasi shinanshquin. Ascafia nocon caifo atirifoan min facu icoinra huacanashu fasi unimacoinshcani. Ahuunshon yora ichapafain aton nomuranshon shinainfo cuscan puashcaniran, —ishon Simeón yoini.

Lucas 24:51

—huatan atomaquinoashu Jesús nuinacahuan Apa Dios icano ari cani.

Hebreos 11:20

Ascan Isaac arifi Dios icoinra huacoinpaoni. Ascacun Diosin ahuun nomuran shinanmani furun rafu chipo ato shara huashononpacoai cuscan icataima yoiyoini.