Génesis 27:29 - Sharanahua: Diospan Tsain

²⁹ Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

Génesis 27:29 ပူးပေါင်းရင်းမြစ်များ

Génesis 12:3

Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 25:33

—Diosin mia oinquin natian ua yoihuu, —huaiton. —Ua upan chipo inain cuscan un fiama mincaimun fiishquicai. Diosin ua oiainno un nannori yoiran, —ishon yoini.

Génesis 27:30

Apan Isaac tsain shara yoiquin anaitiano Jacob apan cunu murannoashu cani. Nantianri ahuun ochi Esaú nii murannoashu noconi.

Génesis 27:37

Isaac cumani, —Upan un min ushto yoia min ifo inon. Nantifi ahuun yorafo ahuun oinmatifo inon. Mun yoia ahuun mai ano ahuun yonofo foaisharanon. Uhuun facushta, uncai natian mia ahuara futsa yoitiroma, —huaiton.

Génesis 27:40

Mia noicasmaifo miqui nocoaifoan min nopuyashon ato cumatima huai. Min ushto oinmati min iquin. Min chipo mutsisipacoin icaino min afanan ahuun oinmati iishquinma. Afanan mia yonotiromaran, —ishon apa Isaac furu yoini.

Génesis 37:10

José apa yafi ahuun ochi iyoafofo yafi chipocun anori yoiaiton apa Jacob yoini, —Upan, ascayamahuu. ¿Na namapan min oian cuscan raquiri mia yoiamun? ¿Iconmainquin un non min uhua non min ochifo non ushto non afoan non mia focushoniran? —ishon yoini.

Génesis 37:7

Non nantifi mau muran yonoi arroz cuscaran tashtui. Uhuunna fusti cayacafi niano matona fonhuinfafainaran, —ishon José ato yoini.

Génesis 9:27

Ascatan Jafet arifi mai ichapa fipainon. Ahuun ochi Sem fu mai pashcananshquin. Ascashu Canaán ahuun funafori Sem futan Jafet aton yonomati ipainonran, —ishon Noé yoini.

Mateo 25:40

Ascaifoan un aton niaifoan un ato yoiqui isca huashquin, “Uhuun yorafo nan ua icoinra huafo futsafoan atohuunoa yoiqui isca huamisi ‘Nancai ahuamaran,’ ishon man yoimisi. Asca nan uhuun yora ahuamafiashu man ato shara huamisi cuscafin nan uari shara huai cafisca man ato huamisiquin,” ishon un ato yoishquin.

Mateo 25:45

Ascaiton un ato cumaquin isca huashquin, “Un mato icon yoinon. Nan ua icoinra hua futsafo man yoimisi isca huaquin, ‘Nancai ahuamaran,’ ishon atohuunoa man yoimisi. Ato asca huaquifin nan ua shara huaima cafisca man huamisiquin,” ishon un ato yoishquin.

Apocalipsis 19:16

Jesús ahuun anu futsan ahuun sahuuti chainipa mananquirinoa yafi maiquirinoahuun cunua isca huaa, niaifofo manifoti aton niaifocoin anufain ifoafo manifotiton aton ifocoinran ishon cunua.