Génesis 26:27 - Sharanahua: Diospan Tsain

²⁷ Ascan Isaac ato yoini isca huaquin, —Manfin ua oincasmaquin mato mai anoshon ua potani. ¿Ascan ahuuscai natian man ua oin oamun? —ato huaiton.

Génesis 26:27 ပူးပေါင်းရင်းမြစ်များ

Génesis 26:14

Ahuun chashoanfo yafi ahuun moifo ichaparasicoin. Ahuun oinmatifori ichapacoin. Ascacun Filisteofo aqui sinanifo a cuscara ipaicani.

Génesis 26:16

Asca huaifono nantia ipaitama niaifo Abimelec Isaac yoini, —Nunoashu catahuun. Min nunoashu ahuamamishti yopatanimacai min noco finoncoianquin, —ishon yoini.

Génesis 26:28

Cumanifo, —Man non oian maton Ifo Diosin mi fu imisi. Ascan man non yoinaintan, “Non Isaac yoicanon noco fu yoinonnanshara non chaca huatananpacunacamaran,” ishon non yoinonainta. Ascan non ascashu yoinonnansharanon.

Hechos 7:14

Chipo José apa tsain fomani, “Upashtan, uqui ohuu. Un nunoshon mia cushusharanon. Nocon yorafori uqui ihuuhuun. Nan setenta cinco yora uqui ihuuhuun, upashtan” ishon José yoini.

Hechos 7:27

Ato numapaifiaiton ahuun caifo futsan sutuaiton cumaquin chaca huani. “Mifin ihuu. Mincai ahuama. ¿Tsoan mia yonoamun min nocon niaifo inon min noco iquinon?

Hechos 7:35

Nan Moisés nocon shunifoan a nicacasmanifo. “¿Tsoan mia yonoamun min nocon niaifo inon noco iquinshquin?” ishon yoifiafo Upa Diosin Moisés catonni nocon shunifoan aton niaifo inon ato numanon. Nan nii cuyamamishti uruai anoshon Upa Diosin Moisés afanan Egipto ano nichini nocon shunifo numanon.

Hechos 7:9

Nocon shunifoan aton ushto José noicasmacaquin yora futsa inannifo ahuun rafanan pui fishcaquin. Ascan José Egipto ano iyonifo nanno aton yonomisi inon. Asca huafiainfoan Upa Diosin José potanima. A fu imisi.

Apocalipsis 3:9

“Futsafo arifi Judio cainfianishaquicai ua icoinra huafoma. Ascan nanfocai Diospan yorama. Nanfo chanimisifo. Ascacun un ato yonoshquin mato fuoshopacufoan yoinonfo isca huaquin, ‘Icon. Diospan Furun matohuun noicoin,’ ishon matohuunoa yoishcani.