Génesis 26:20 - Sharanahua: Diospan Tsain

²⁰ Asca chashoan cushumisifo shatsocamun Gerar mai icano, —Na unu tsosi shara noconaran, —ishon yoinifo. Nantian Isaac ahuun chashoan cushumisifo yafi Gerar icano chasho cushumisifo achinannifo. Ascashon Isaac pozo anuni achinanforan ishon anuni.

Génesis 26:20 ပူးပေါင်းရင်းမြစ်များ

Génesis 13:7

Ascashu pashcanantaifoma Abram ahuun ina cushumisifo yafi Lotpan ahuun ina cushumisifo fochishmanantanancain asca huan tanannifo. Nan mai anori nantia Cananeofo yafi Ferezeofo icafo ini.

Génesis 21:25

Ascano Abraham ahuara futsa Abimelec yoiquin isca huani, —¿Ahuuscai min oinmatifoan uhuun pozomua fiamun? —ishon yocaiton.

Génesis 26:19

Ascan shafa futsa Isaac ahuun oinmatifoan afanan pozonnifo shatsocamun unu tsosi shara fuchinifo.

Génesis 26:21

Ascan Isaac oinmatifoan pozo futsa pozonifo. Ascafiashu afanan Gerar anoafoan ato potapainifo aton pozoa fiishcaquin. Ascashu afanan achinannifo. Ascan Isaac nan pozo anuni Sitna. —Noco noicasmamisiforan, —ishon anuni.

Génesis 46:34

Man yoitiro isca huaquin, “Nonfin nocon shunifoan apaoni cusca nocon chashoanfo non cushuaran,” ishon man yoitiro. Man nanscara yoiaiton mato Faraón yoitiro Gosén ano man inon mato inafocai Egipciofoan fuchipaima. Egipciofocai chashoan cushumisifo fu ipaimaran, —ishon José ato yoini.