Génesis 25:23 - Sharanahua: Diospan Tsain

²³ Ascaiton Diosin yoini, —Min shaqui murannoashu shoco rafu caicani. Chipo pashcanancani. Futsan fasi finacaia. Iyoacai chipocuton ahuun oinmati cuscara huashquiquin, —ishon yoini.

Génesis 25:23 ပူးပေါင်းရင်းမြစ်များ

Génesis 17:16

Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.

Génesis 17:4

Ascaiton afanan Diosin yoini, —Un mia yoiyotiani cuscan mani ichaparasiton aton shuniri min iishquin.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 25:24

Ascano man fari caino ahuun oshu nocoano nan Rebeca facu rafu cainni.

Génesis 25:27

Ascano nan facu rafu yosini. Yosiashu Esaú cahuancacainmisicoin icain niimisi sharacoin ini. Ascan Jacobcai ascara inima. Pushu chaima fusti ipaoni.

Génesis 27:29

Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

Génesis 27:33

Nicain Isaac fasi mustairini. Ahuun oi tuunyuyu iyanan yoini, —¿Ascano tsoancai ua nami nimurannoa fushoamun un pinon? Min nocoataima mun pia. Un mia yoisharapaiyai cuscan mun ushto yoia. Un yoishara cuscan ai, —huaiton.

Génesis 27:37

Isaac cumani, —Upan un min ushto yoia min ifo inon. Nantifi ahuun yorafo ahuun oinmatifo inon. Mun yoia ahuun mai ano ahuun yonofo foaisharanon. Uhuun facushta, uncai natian mia ahuara futsa yoitiroma, —huaiton.

Génesis 27:40

Mia noicasmaifo miqui nocoaifoan min nopuyashon ato cumatima huai. Min ushto oinmati min iquin. Min chipo mutsisipacoin icaino min afanan ahuun oinmati iishquinma. Afanan mia yonotiromaran, —ishon apa Isaac furu yoini.

Génesis 32:6

Tsain fomisifo nasocashon Jacob yoinifo isca huaquin, —Min ochi Esaú man non ointani. A fu cuatrocientos nocofunufo miqui fucaniran, —huaino.

Génesis 33:3

Ascatan Esaú chaimashta otan Jacob fuopacucahuatan ahuun tau naman siete veces fuhuufuhuu ishoni.

Génesis 36:31

Israelifo niaifoataima nanfo Edomfo aton niaifofo ipaoni.

Génesis 48:19

Ascafiaitocai apan apainima. Yoiquin isca huani, —Uhuun facushta, mun tapia min facu iyoa arifi ahuun funafo fasi ichapa iishquin. Ascafia ahuun ushton iyoa finonshquin. Chipocuton ahuun funafo mani futsafo ichapa iishquiran, —ishon Jacob yoini.

Números 20:14

Ascano Israelifo chipo focanashu Moisés nocofunufo mai futsa ahuun anu Edom ano ato nichini aton niaifo ahuun tsain tapimashquin isca huaquin, —Niaifon, nonfin mato yora futsa Israelifoquin. Man min tapia non foanfafainni fasi omitsiscamisi.

Deuteronomio 2:4

Min yorafo yoihuun isca huaquin, ‘Maton yora futsafo nan Esaú ahuun funafo man aton mai Seir ano samamashta nocoicai. Ascano nanfo matoqui ratucani. Ascafia man atoqui nocoaitian oinfain ato ahuusca huayamacahuun.

Deuteronomio 2:8

Ascatan nocon yora futsafo nan Esaú ahuun funafo nan Seir mai non finonfainni. Arabá faihuuri nan Elat yafi Ezión-geber mai anoashucai non canima. Non tsoa istaipama ano cai non Moab fai ari cani.

1 Samuel 17:14

Ascan David furu chipocucoin Saúl pushu ano apa pushu Belén ano catacatapaoni apan chashoanfo cushushoshquin.