Génesis 25:11 - Sharanahua: Diospan Tsain

¹¹ Man Abraham naano chipo Diosin Isaac shara huani. Isaac pozon ano iyopaoni. Unu chitun anuni —Nan niaton unu ayaquin ua oinran, —ishon yoimisi.

Génesis 25:11 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 12:3

Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 16:14

Ascacun nan pozo nanno anuni, —Nuno pozo anoshon nan Diosin nipanacaton ua oianran, —ishon nannoa pozo anuni. Natianrifi nan pozo nanno Cades yafi Bered nushmancaya.

Génesis 17:19

Ascaiton cumani, —Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni.

Génesis 22:17

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 24:35

Uhuun ifo Abraham nocon Ifo Diosin fasi shara hua. Ascan natian ahua yopaima. Diosin chashoanfo inanfain moifo inanfain cuno facafacaitsa inanfain oro inanfain nocofunu oinmatifo inanfain camellofo inanfain burrofo inan.

Génesis 24:62

Nantian Abraham Hebrón ano iyoni. Nan Hebrón Néguev muran. Ahuun facu Isaac Hebrón anoashu nan pozon ano cani. Nan pozon anuni isca huaquin, —Nan Diosin niaton pozoanoa unu ayaquin ua oinran, —ishon yoimisifo.

Génesis 26:12

Chipo Upa Diosin Isaac sharahuaino ahuun fanafo foaisharacoinni.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.