Génesis 24:7 - Sharanahua: Diospan Tsain

⁷ Nocon Ifo Diosi nai muran icaton ua uhuun upa ahuun yorafo anoshon nan un cainni ano ua ihuuni. Nannoricoinfin ua ahuun tsain yoiniquin. Ua yoiyoni isca huaquin, “Nan mai min facu non min funafori un ato inainran,” ishon Diosin ua yoiyoni. Diosin ahuun oinmati nan a fu nai muran ica rucu nichishquin nannoa min uhuun facu ainfo fuchishonon.

Génesis 24:7 ပူးပေါင်းရင်းမြစ်များ

Génesis 15:18

Nantian nocon Ifo Diosin Abram yoiyoni isca huaquin, —Na mai un min funafo inain. Unuhuan Egipto ano shatutan unu Eufrates ano atona inon.

Génesis 16:7

Ascashu Agar fain cani. Nan fain pushu rasi Shur ano noconi. Nan Abram icano Shur nushmancayan fai cusumunri tsoa istaipaima ano Agar noconi. Nanno pozo cuscara ini. Ascano nannoshon nantia Diosin oinmati a fu nai muran icaton Agar fuchini.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 21:17

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica.

Génesis 22:11

Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 24:40

Ua cumaitan, “Uhuun Ifo Diosi fu un nia. Ascacun ahuun oinmati a fu nai muran icaton miaya nichin min ahuuscatama casharatanon. Uhuun upan ahuun yorafo murannoa uhuun facu ahuin min ihuushonon.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Salmos 103:20

Manfin Diospan oinmatifoquin man a fu nai muran imisi manfin mutsisipacoinquin. Mato yoimisi cuscan man amisi. Maton Ifohuunoa yoisharacahuun.

Salmos 32:8

Uhuun Ifo Diosin min ua yoia isca huaquin, —Min ahuara huai cuscan un mia tapimai min icoinsharanon. Un min nomuran yoi rato fainmain min caicain ahuara chaca huashquima. Unfin mia cushuaquin.

Salmos 34:7

Asca tsoan Ifohuunoa yoisharafafainmisifin naanquifin Ifo Diosin ahuun oinmati nai muran a fu icano aqui nichishquiquin nan cushusharanon.

Salmos 73:24

Minfin uhuun nomuran mian tapimanaquin un ishquiai cuscan. Chipo min icano ua iyoshquin un mi fu ipanon.

Éxodo 13:5

Nocon Ifo Diosin nocon shunifo yoiyoni isca huaquin, “Un maton mai fasi sharacoin inain. Nanno nantifin man yopai cusca man ayashquinran,” ishon nocon Ifo Diosin nocon shunifo yoiyoni. Nan mai shara ano Cananeofo non Hititafo non Amorreofo non Heveofo non Jebuseofo. Non nanno nocoaitian oshu Abibtifi non fusitiro nocon Ifo Diosin noco Egipcio mai anoshon iyoni cusca shinanshquin.

Éxodo 32:13

Min nocon shunifo Abraham non Isaac non Jacob yoiyoni cusca shinanhuun. Minhuunshon min ato yoini isca huaquin, “Un min funafo fasi ichapa rasi onihuashquin. Nan mai fasi sharacoin un ato inanshquin atona ipanon. Ascano min funafo fasi ichapacoin iishquin. Nan fishifo tsoancai ato tanan huatiroma. Nanscarifi ai min funafo chipo tsoancai ato tanan huashquinmaran,” ishon noco shunifo min ato yoini. Ascacun uhuun Ifo aton funafo cuyoyamapun, —ishon Moisés yoini.

Éxodo 33:2

Unfin uhuun oinmati u fu nai muran ica un mia nichishonicai mato rucu cashonon. Ascanofin nan mato noicasmaifo oin uhuun oinmatinin ato potaino nan mai un mato inain. Ascano Cananeofo potafain Amorreofo potafain Hititafo potafain Ferezeofo potafain Heveofo potafain Jebuseofo potashquin.

Daniel 2:44

Ascan nan niaifofo mani futsafo fu icaitian Diosin nan nai muran icaton ahuun yorafo ichanan huai. Nanfin ato niaifo iishquin. Tsoancai Diosin yafi ahuun yorafo potayamafain cuyopacunacama. Diosin ahuun yorafo futan nantifi niaifo futsafo ato shatumashqui afanan tsoa nipanonfoma. Ascanfia Diosin yafi ahuun yorafocai unupacunacama. Diosifin nantifiton niaifo ipanacaquin. Nantofi manifoti iquinaquin.

Números 11:12

Na yorafocai uhuun facufoma. Uncai ato cainmanama. ¿Ahuuscai min ua yonoamun ainfoan ahuun facu chishtotiro cusca urifin na yorafo un chishtoi cafisca huanon? ¿Nan mai shara min noco shunifo yoiyoni cusca min ato inain un nanno ato iyoicaimun?

Números 14:16

“Aton Ifon Diosin nan Israelifo yoiyoni mai futsa shara ato inanshquin. Ascafiashocai nan mai ano ato iyotiroma. Ascano tsoa istaipamashon ato rutuquin futsaran,” ishon yoishquicani.

Números 14:30

Un mato yoiyoni cusca nan mai sharacoin un mato inain. Ascafia nan ua nicacasmai ratora futsacai nan mai ano ipanacama. Ascafia nan Caleb yafi Josué fusti nanno itirofo.

Hechos 7:5

Nuno nichifiashocai maishta inantaima. “Chipo min non min funafori un na mai inain matona inon,” ishon Upa Diosin yoiyotiani. Anori yoiai cuscacai Abraham facu yatai inima.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.

Deuteronomio 34:4

Nantifi oinmatan nocon Ifo Diosin Moisés yoini isca huaquin, —Nantifi nan mai min oian cusca un min shunifo Abraham non Isaac non Jacob un ato yoiyoni nantifi nan mai un aton funafo inanshquin. Un mia ano iquimayamafiamisishaquin natian un mia oinmanaran, —ishon nocon Ifo Diosin Moisés yoini.

Hebreos 1:14

Ascano Upa Diosin nan ahuun oinmati afu nai muran icafo yononi noco cushusharanonfo. Ratoranfoan Jesús ifoancanashu afu ipatirofo. Diosin yononi nanfo ahuun oinmati afu nai muran icafoan ato cushusharanonfo.

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

Josué 1:6

Uhuun yora Israelifo min nan mai shara ano ato iyoshquin. Min shunifo un ato yoiyoni cusca na mai un ato inain. Ascacun uhuun curushhuunshon un mia amapaiyai cuscan huafafainhuun. Shinanquin isca huahuun, “Uhuun Ifo Diosin ua yonoa cuscan un atiroran,” ishon shinanhuun.

Josué 24:3

Ascafia un maton shuni Abraham nan mai anoshon ihuuni mai Canaán ano cahuacacaini. Unfin Abraham ahuun funafo ichapacoin inan. Unfin Abraham Isaac inanniquin.

Apocalipsis 11:13

Fotapaiyaifoanno mai ano fasi curushcain naiyanaiyaishquin. Ascaino atirifi pushu Jerusalén anoafo maocomushquiai cuscan un oinyoa. Ascaino siete mil yorafo man naafo. Nan tushuafo fasi ratucoianfo, —Shinancapon. Upa Diosin nai muran icaton ahuamamishti huatiroran, —icashu yoinanshcani.