Génesis 24:50 - Sharanahua: Diospan Tsain

⁵⁰ Betuel futan Labán cumanifo, —Nocon Ifo Diosin mia nichicun noncai mia Rebeca fishcotiroma.

Génesis 24:50 ပူးပေါင်းရင်းမြစ်များ

Génesis 24:15

Cufinquin anaitiataima shomaya Rebeca cuti tutsamuashu oni. Nanton Betuel ahuun facu. Nan Betuel Milca yafi Nacor facu. Nacor Abrahampan ushto.

Génesis 24:28

Ascano Rebeca ichoni nantifi ahuan pushu murannoafo chani huaicai.

Génesis 24:51

Iyotahuun min ifo Abraham ahuun facu ahuin inon. Nannori nocon Ifo Diosin yonoaquin, —ishon yoinifo.

Génesis 24:53

Ascatan chipo ahuarafo Rebeca inan. Oro futsa futsatapa cuscarafo inanfain cuno facafacaitsafo inanfain sahuutifo inanni. Ahuara chicoinfo ahuun ochi inanfain ahuari inanni.

Génesis 24:55

Ascaifiaiton Labán futan ahuan cumanifo, —Funayamahuu. Noco yoipun Rebeca no fu mucu rafuti oshatan no fu iyonon. Ascano chipo mi fu catanon, —ishon cumaiton.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 31:24

Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Génesis 31:29

Un chaca huapaiqui mia chaca hua cuana. Ascafia uhuun namapan min upa ahuun Diosin ua yoia, “Jacob tsain curush yoiyamahuun,” ua hua.

Mateo 21:42

Jesús afanan ato yoiqui isca huani, —¿Diosin tsain cununi cuscan man man oinmisimamun? Isca huaquin cununi, “Pushu yonomisifoan pushu quishi shara potanifo. ‘Nan sharamaran’ ishon potafiafo pushu ifoan afanan fiini nanhuunoashu pushu mutsisipa inon.” Nanscarifiai niaifofoan Diospan facuhuunoa isca huaqui yoishquicani, “Nacai ahuama. Sharamaran,” ishon yoiqui potashcani. Ascafia Upa Diosin ahuun facu catoan ahuunoashu nantifi ahuun yorafo nipanonfo. Ascacun non yoitiro “Diosin Furunhuunshon aca cuscan fasi shararan,” ishon cununi.

Marcos 12:11

Ascan Diosin aca cuscan oinshon non yoitiro, ‘¡Aicho! ¡Diosin ahuun Furunhuunshon aca cuscan fasi sharacoinran!’ ishon non yoitiroran,” —ishon Jesús ato huani.

Hechos 11:17

Upa Diosin ahuun Yoshin Shara noco inanni cuscan atorifi inainta. Ascacuncain ahuuscaquin “Ato inainyamahuu” un Diosin huatiroma. Uncai anori yoitiroma, —ishon Pedron ato yoini.