Génesis 24:45 - Sharanahua: Diospan Tsain

⁴⁵ Un cufinquin anaitiataima un oian Rebeca ahuun cuti tutsaomushon fuaiton pozo ano fotomapacufoana. Ascaiton un yoia, “Ua unu inanpun,” huaiton.

Génesis 24:45 ပူးပေါင်းရင်းမြစ်များ

Daniel 9:19

Nocon Ifon ua nicapun. Ifon, noco rau huapun. Ifon ua nicafain un mia cufia cuscan noco ashopun. Mihuunoa yoisharaifo cuscan manayamahuu. Nocon pushu rasi nantififain tapianfo nanno min noco fu iyopaoni. Nonrifi min yorafoquin. Min anuhuunoa futsafoan nocohuunoa yoipaonifo. Noco numapun, —ishon un nocon Ifo Diosi cufia.

Daniel 9:23

Min tau huaquin Diosi cufiainton mia nica. Min cufiain cuscan Ifo Diosin mia ashoa. Ifo Diosin mihuun noicoin. Ascacun min cufian cuscan mia ashoa. Natian un mia tapimai oa. Ascan un mia yoiai cuscan shinanfain min namai cuscan tapihuun, —ishon Gabriel ua yoini.

Mateo 7:7

Afanan ahuara futsa un mato yoiai cuscan nicacahuun. Ahuara yopaquin Upa Dios yocacahuun mato ashonon. Man yocain cuscan funaquima manasharacahuun nan Diosin mato ashoaitian. Ascacun Upa Diosin cufifafaincahuun man cufiai cuscan mato inanon.

Hechos 10:30

Cornelion cumani, —Osha rafu non rafuri finontan nantianri un Upa Dios cufiaino nocofunu ahuun sahuuti chashaino uqui niriscatana.

Romanos 8:26

Nanscarifi aquin Upa Diosin ahuun Yoshin Sharapan noco ashosharafanfainni. Ahuuscashomain non Upa Dios cufisharatiroquin noncai tapiama. Ascan ahuun Yoshin Shara nocohuunshon noco cufishotiro. Nocohuun ramapaiquin noco cufishonai cuscan sharacoin tsoancai aaton cufiai cuscan huatiroma.