Génesis 24:27 - Sharanahua: Diospan Tsain

²⁷ Cufinquin isca huani, —Aicho, uhuun Ifo Diosin, min fasi shara. Min uhuun ifo Abraham yoimisi cuscan aa. Min ahuun ramapai. Mianri cushushara. Min nuno ua ihuua uhuun ifo Abraham ahuun yorafo un oinon, —ishon cufinni.

Génesis 24:27 ပူးပေါင်းရင်းမြစ်များ

Génesis 13:8

Ascacun Abram Lot yoini isca huaquin, —Upan, non fochishmanantanaincai sharama. Nocon ina cushumisifo non ato yoinon arifi fochishmanantananonfoma.

Génesis 24:12

Ascano Abraham ahuun oinmatinin Upa Dios cufinquin isca huani, —Nocon Ifo Diosin min uhuun ifo Abraham ahuun Diosi. Na shafata ua ashopun uhuun ifo Abraham ua yonoa cuscan un ashonon. Uhuun ifo Abrahamhuun ramapaihuun shara huahuu.

Génesis 24:21

Oinmatinin oinfiaicai puusinima. Tapipai nan shomaya nocon Ifo Diosin nichiamainquin ahuun ifon facu ahuin inon.

Génesis 24:4

Ascatamarocon un cainni ano min catiro uhuun yorafo murannoa min uhuun facu ainfo ihuushotiroran, —ishon Abraham ahuun oinmati yoini.

Génesis 24:42

Ascan na shafata un pozon ano nocotan un Upa Diosi cufian, “Uhuun Ifo Diosin, min uhuun Ifo. Minfin Abraham ahuun Diosiriquin. Abraham ua nichian ahuun facu ahuin un iyoshonon. Ua tapimashara un nanscahuanon.

Génesis 24:48

Ascatan ratoconun mai chachishon un nocon Ifo Diosi cufian, Un aicho huaa. Aafin uhuun ifo Abraham ahuun Ifo Diosiquin. Uarifi fai sharatan nocon Ifo Diosin ua iyoa Abraham ahuun shota un fuchinon Isaac ahuun ahuin inon. Nannori nocon Ifo Diosin ua yonoa.

Génesis 32:10

Un ahuara shara hua rafanancai mian shara huama. Mian yoia cuscan min acoinna. Uhuun upa mai ariashu un unu Jordán pocufuranitiancai un ahua ya inima. Natian un yora shoco rafu aya.

Génesis 32:11

Ifon Diosin, ua numapun uhuun ochi Esaú ua rutunonma. Un ratucoin ainfofo yafi facufori noco rutui oi.

Génesis 9:26

Ascashon afanan Noé yoini isca huaquin, —Nocon Ifo Diosin, min fasi sharacoin. Mihuunoa nantifi yorafo yoisharapacunaca. Minfin Sempan Diosiquin. Sem cushusharahuu. Canaán funafo Sempan yonomatifo inonfo.

Éxodo 2:11

Ascano nan Moisés pushcoaitian ahuun caifo oincai cani. Ascatan nocoshon oian Egipciofoan ahuun caifo Hebreofo fasi curushcain ato yonomani. Ascano ato ano nocoshon oian Egipcio nocofunun ahuun caifo sutuaiton oinquin.

Éxodo 2:13

Ascano iyoconaino oian ahuun caifo Israelifo aton anu futsa Hebreofo sutunainfoan fuchini. Ascashon nan futsan futsa chaca huashon yoini isca huaquin, —¿Ahuuscai min yora min sutuimun? Manfin yora iquinan tananfiashu man sutunainquin, —ishon ato yoiaiton.

Éxodo 34:6

Diosin Moisés finonfoanquin yoini isca huaquin, —Unfin mato Ifoquin. Un matohuun ramapaicain un mato shara huamisi. Uncai matoqui funa sinatiroma. Un mato noia cuscacai un unupacunacama. Nan un mato yoiai cuscafin un nanscacoinmisiquin. Uncai mato parapacunacama.

Lucas 1:68

“Uhuun caifo Israelifoan nocon Diosin fasi sharacoin. Nocoqui oa noco numashqui.

Juan 1:17

Upa Diosin noco yonopaiyai cuscan Moisés nocon shunifo yoiniquin. Ascaiton ahuunshon norifi non tapitiroquin. Moisés nanfo noco tapimafiaino Jesucristo nocoqui oni nocohuun ramapaicain aafin iconmisicoinquin noco ismapaoni.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

1 Timoteo 1:17

Ascano nocon Dios Niaifocoin nipanaca. Arus fusti Dios futsa yamai. Tsoancai Dios ointiroma. Nantififain non ahuunoa yoisharapacunaca isca huaquin, —Mirusu fustiton nantifi tapicoian. ¡Aicho! —ishon non yoipacunon.