Génesis 23:20 - Sharanahua: Diospan Tsain

²⁰ Ascashon nan mai mahua quiniya Hititafoan Abraham inannifo ahuun yorafo nanno mai huanon.

Génesis 23:20 ပူးပေါင်းရင်းမြစ်များ

Génesis 10:15

Nan Canaán ahuun facu iyoacoin ahuun anu Sidón ini. Nan Sidón chipocu Het.

Génesis 23:19

Asca huatan Abraham ahuun ahuin Sara mai huashon mahua quini anuni Macpela ano mai huani. Nanno Mamre mai Hebrón pushu rasi ini. Nantifi nan mai Canaán muran ini.

Génesis 23:4

—Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

Génesis 25:10

Nan mai Abraham nataima Hititafo ato fishoni. Nannori ahuin Sara yafi Abraham naacun nan quini fusti muran ato mai huani.

Génesis 25:9

Ascano nacun ahuun facu Isaac futan Ismael mahua quini muran mai huanifo. Nan quini ahuun anu Macpela. Nanno chaimashta mai futsan ahuun anu Mamre fari oaiquiri ini. Nan mai Efrónna. Efrón Zohar ahuun facu. Zohar Hititafo ini.

Génesis 49:29

Shafan futsa Jacob ahuun facufo yoini isca huaquin, —Un samamashta nai. Nan nocofunu Hitita ahuun anu Efrón ahuun mai ari mahua quini. Nanno uhuun shunifo mai huanifo. Nan mahua quini anuni Macpela. A muran uarifi mai huacahuun.

Génesis 50:13

Jacob mai huai focani fonifo Canaán mai ano nan mahua quini ahuun anu Macpela muran mai huanifo. Nan mahua quini Abraham Efrón anoa fini ahuun yorafoan ato ano mai huanon. Nan mai yafi mahua quini Mamre chaimashta.

Génesis 50:5

Uhuun upa nataima ua yoia isca huaquin, “Diosin mia oiainno ua yoihuu min ua nuno mai huatamarocon uhuun shuni mai huanifo ano ua mai huahuun. Unfin na mai quini huaniquin min nanno ua mai huanon,” ishon uhuun upa ua yoiyamua. Nan mai Canaán ano. Faraón ua yoishocahuun uhuun upa ahuun caya un Canaán ano mai huai caicain. Ascatan Faraón ua nichiano uhuun upa mai huatani un samamashta nasoshquiran, —ishon José ato yoini.