Génesis 22:17 - Sharanahua: Diospan Tsain

¹⁷ Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 22:17 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 13:16

Ascan unfi min funafo ichapacoin cai huaicai. Tsoan mai furo tananhuatiroma. Nanscarifi ai chipo min funafori tsoan tanan huatiroma iishquin.

Génesis 15:5

Asca huatan Diosin Abram chifi caimani. Caimashon yoiquin isca huani, —Nai ari oinyohuu. Nan fishifo min tanan huatiromainquin tananhuahuu. Nanscarifi min funafo chipo iishquin. Tsoan ato tanan huatiroma ishquinran, —ishon nocon Ifo Diosin Abram yoini.

Génesis 17:6

Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 25:11

Man Abraham naano chipo Diosin Isaac shara huani. Isaac pozon ano iyopaoni. Unu chitun anuni —Nan niaton unu ayaquin ua oinran, —ishon yoimisi.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 32:12

Mian cayacafi yoia un caiton mian cushusharai un isharacain uhuun funafo ichaparasi iishquicani. Mai furoti ichaparasi tsoan tanan huatiromati iishquicaniran, —ishon cufini.

Génesis 32:13

Ascatan nanno oshani. Oshataima nan iyoa inanshquiain cuscan ahuun inafo catonpacuni.

Éxodo 32:13

Min nocon shunifo Abraham non Isaac non Jacob yoiyoni cusca shinanhuun. Minhuunshon min ato yoini isca huaquin, “Un min funafo fasi ichapa rasi onihuashquin. Nan mai fasi sharacoin un ato inanshquin atona ipanon. Ascano min funafo fasi ichapacoin iishquin. Nan fishifo tsoancai ato tanan huatiroma. Nanscarifi ai min funafo chipo tsoancai ato tanan huashquinmaran,” ishon noco shunifo min ato yoini. Ascacun uhuun Ifo aton funafo cuyoyamapun, —ishon Moisés yoini.

Romanos 4:13

Upa Diosin Abraham yoini isca huaquin, —Min non min funafori nan maitio un mato inannon matonna inon, —ishon yoiyoni. Upa Diosin icoinra huacun aton chaca soashona a cuscara shara inonfo. Ascacufin ato yoiyoni cuscan ato inanshquin.

Romanos 9:27

Isaías nocon caifo Israelifohuunoa yoini, “Israelifo ichaparasi ishquicani tsoan ato tanan huatiromafiashu fustirasiton icoinra huashquicani Upa Dios fu ipashcaquin.

1 Corintios 15:57

Noco asca huaiton non yoitiro, —¡Aicho! Upa Diosin, nocon Ifo Jesucristohuunshon nocon chaca non shatutiro a cuscara shara ishquin. Ascashucai afanan non nanacama, —ishon non yoitiro.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Deuteronomio 1:11

Nocon shunifoan aton Ifo Diosifin nocon Ifo Diosiriquin. Aafin yoiyoni cusca mato shara huapainon mato afanan facufo non mato funafori ichapacoin inanpainon.

Hebreos 11:12

Ascano Abraham anifoshta afanancai chai nitiromafia ahuun funafo fasi ichaparasicoin. Tsoancai ato tanan huatiroma. Fishifo yafi mai furomishticai non tanan huatiroma. Nanscarifiai Abraham ahuun funafocai tsoan tanan huatiroma.

Apocalipsis 11:15

Ascaino Diosin oinmati afu ica futsan ahuun manuti chaan chaan acaino nai muran Upa Dios icarishon oi ashcafinin yoiafo isca huaquin, “Natian nocon Ifo Diospan Facu nantonfin nantifi yora manifoti ato iquina. Ascashu arusu fusti aton niaifo unupacunacamaran,” ishon yoiafo.