Génesis 21:34 - Sharanahua: Diospan Tsain

³⁴ Filisteofo mai ano fari ichapa Abraham nan mai ano iyopaoni.

Génesis 21:34 ပူးပေါင်းရင်းမြစ်များ

Génesis 20:1

Ascano nantiari Abraham nan icanoashu mai futsa Néguev ari cani. Nanno pushu rasi rafu Cades yafi Shur. Nan rafu nushmancayan pushu rasi futsan ahuun anu Gerar. Nanno Abraham nituyoni.

Génesis 22:19

Ascano nannori nicatan Abraham ahuun facu fu ahuun oinmatifo nituafoanno naso furanifo. Atoqui nocoshon ato Beerseba mai ano iyoni.

Hebreos 11:13

Nantifi na rama yorafohuunoa mato yoia cuscan afanan atohuunoa un mato yoi. Diosin ato yoiyoni cuscan fiashuma naanifo. Fiataiyamafiaquin Dios icoinra huanifoan chipo fiishcaquin. Ascacun Diosin ato yoiyoni cuscan aton nomuranshon oincoin cafiscai unimacoinnifo. Ascashon yoinifo isca huaquin, —Nunocai non ipanacama. Na mai anoashu nan mai futsa aria yora futsa cuscarafo nonran, —ishon yoinifo.

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

1 Pedro 2:11

Uhuun yoramishtichin un mato yoisharapaiyai cuscan ua nicasharacapun. Non icoinra huamafo muran ifiashucai non atofu ipanacama. Noncai aton yoracoinfoma. Ascafia nan icoinra huafoma icaifo cuscan ayamacahuun. Mato amaquiri shinanchacamapaifiaifoan ascara shinanyamacahuun. Nanfoan maton nomuran mato chaca huamapaicani.