Génesis 21:23 - Sharanahua: Diospan Tsain

²³ Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 21:23 ပူးပေါင်းရင်းမြစ်များ

Génesis 20:14

Nannori yoiaiton nicatan Abimelec Abraham chashoanfo inanfain moifo inanfain nocofunufo non ainfofori inanni ahuun yonomatifo inon.

Génesis 21:24

Nannori huaiton nicain, —Ai. Min ua yoia cuscan un nannoricoin min non min facufo non min funafori un mato paranpacunacama. Un non uhuun yorafoanri mato shara huapacunacaran, —ishon Abraham yoini.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 26:28

Cumanifo, —Man non oian maton Ifo Diosin mi fu imisi. Ascan man non yoinaintan, “Non Isaac yoicanon noco fu yoinonnanshara non chaca huatananpacunacamaran,” ishon non yoinonainta. Ascan non ascashu yoinonnansharanon.

Génesis 31:44

Ascacun non yoinansharanonpun. Non ascaino tapinonfo man non yoinanshararan, —ishon yoini.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Génesis 39:3

Nocon Ifo Diosin José fu rafucun Potifar oinni. Ascaiton José acai cuscan oian nantifi sharacoin ini.

Génesis 47:31

—Diosin noco oin un mia yoia cuscan ua yoihuun, —ishon apa yoini. Ascano José yoini, —Diosin ua oinquin mian yoia cuscan un mia ashoiran, —ishon José apa yoini.

2 Corintios 1:23

Ascacun man tapitiro Upa Diosin iconmisiquin. Nanscacun urifi un Diosin oinmaticun man tapitiro un mato icon yoimisi. Un mato yoiamua cuscan mato ari un capaifiain un cataima. Upa Diosin ua onancoiainton un iconyamacun ua onaintimatiro. Un mato ari cacuana. Ascafia un shinan, —Un ato ari cashon un fasi ato asca huatiro, —ishon un shinan. Ascashon un mato ointi ihuumapaima un mato ari caama.

Deuteronomio 6:13

Ascan nocon Ifo Diosi fusti icoinra huacahuun. Mato amapaiyai cusca shafatifi acahuun. Man futsa yoiai cusca mato icoinra huanon nocon Ifo Diosi ahuun anuhuunshon yoicahuun. Tsoa futsa ahuun anuhuunshon yoiyamacahuun mato icoinra huanon.

Hebreos 6:16

Ascacufin non tapitiro Diosin nan yoiai cuscacoin huamisi. Ascan futsan noco ahuara yoiquin icoinra huamapaiyai cuscan nan futsan finoncoiaiton nannoricoinrifi noco yoiaihuunshon non icoinra huatiro. Ascan tsoancai, —Anorimaran, —ishon fochishmatiroma.

Josué 2:12

Ascan maton Ifo Diosin ahuun anuhuunshon ua yoicahuun un mato shara hua cuscan marifi man ua shara huanon. Ua non uhuun yorafori man afanan nuno Jericó ano nocoaitian noco shara huashcaquin. ¿Man ua ahuara ismatiromun man uhuun caifo cuyoaitian ua non uhuun upa non uhuun uhua non uhuun ochifo non uhuun ushtofo non uhuun chipifo non uhuun chicofo non aton yorafori shara huaquin man noco rutunonma? ¿Man ua ahua ismatiromun man ua non uhuun yorafo nocon caifo man cuyoaitian un mia icoinra huanon man noco rutunonma? —ishon Rahab ato yoini.

1 Samuel 20:13

Ascan un nicai mia uhuun upa chaca huaiton un mia tapimayamaino min ichocun nocon Ifo Diosin ua fasi asca huapainon. Nocon Ifo upa fu ipaoni cuscan natianri mi fu ica.

1 Samuel 20:17

Ua noiquin afanan ua yoiyohuun uhuun yorafo min ato shara huashquinran, —ishon Jonatán David yoini. Ascan Jonatán afin noimuai cuscan Davidhuuri noicoinni.

1 Samuel 20:42

Asca nan rafu fasi shinanonainfoan Jonatán yoini isca huaquin, —Natian min casharatiro. Non nocon Ifo Dioshuunoashu non yoinonan sharapacumisi. Ahuun ointaifi non yoicoian nocon Ifon Diosin min funafo non uhuun funafori ato cushusharapacunaca, —ishon Jonatán David yoini. Ascaino David nannoashu caino Jonatán pushu rasi ano nasoni.