Génesis 21:14 - Sharanahua: Diospan Tsain

¹⁴ Ascan iyoconaino funamarishta Abraham Agar tushu yafi unu fichi tutso murannoa inanni. Abraham Agar ahuun tushu yafi unu papimani aya catanon. Ahuun facu Ismael ahua Agar fu cani. Ascano nan tsoan istaipama anuni Beerseba ano cahuascaini.

Génesis 21:14 ပူးပေါင်းရင်းမြစ်များ

Génesis 16:7

Ascashu Agar fain cani. Nan fain pushu rasi Shur ano noconi. Nan Abram icano Shur nushmancayan fai cusumunri tsoa istaipaima ano Agar noconi. Nanno pozo cuscara ini. Ascano nannoshon nantia Diosin oinmati a fu nai muran icaton Agar fuchini.

Génesis 19:27

Ascashu iyoconaino Abraham nan Dios fu tsainquitano ichoni.

Génesis 21:13

Ascafia min oinmati Agar furun Ismael min furunri. Ascan un ahuunshon mani futsa imairan, —ishon Diosin Abraham yoini.

Génesis 21:15

Agar ahuun unu nutsoantian ahuun facu nii cuyamamishti naman ratani.

Génesis 21:31

Ascatan nannoashu Abraham yafi Abimelec yoinansharanifo nanscacoin aashcaquin. Ascashon a mai anuni Beersebaran, ishon anumisifo.

Génesis 21:33

Ascano nantia Beerseba ano Abraham nituyoni nii cuyamamishti ahuun anu tamarisco fanani. Nannoshon nocon Ifo Diosi nan nipanaca Abraham cufinni.

Génesis 22:19

Ascano nannori nicatan Abraham ahuun facu fu ahuun oinmatifo nituafoanno naso furanifo. Atoqui nocoshon ato Beerseba mai ano iyoni.

Génesis 22:3

Ascan iyoconaino funamarishta Abraham ahuun burro camaqui tsaoti fucani. Ahuun oinmati rafu yafi furun Isaac iyoni. Cataima caro huaiyoni machi ano nocoshon Diosin yoita cuscan ahuun facu rutushon Diosi coashoshquin. Ascano nan Diosin yoita cuscan nanri cani.

Génesis 24:54

Ascatan piyanan aqui ayafain ahuun yorafoya nan yamu oshashinifo. Moitan, —Ua nichihuun uhuun ifo Abraham ano un catanon, —ishon Abraham ahuun oinmatinin Labán yafi ahuun yorafo yoini.

Génesis 25:6

Ascashon nan Abraham ahuun ahuin futsafo aton facufo ahuara shara atori inancoinni. Nan futsaqui acafo mai futsa ari ato nichini fari oaiquiri chaicoin. Ascano Isaac fusti a fu nituni.

Génesis 26:31

Asca iyoconaino shafaino yoinonansharanifo a chaca huatananpacushcaquima. Tsainqui anaititan Isaac ato nichisharani fosharatanonfo.

Génesis 26:33

Ascan Isaac nan pozo anuni Seba. Seba tsain futsaman —Yoinonnanshararan, —ishon anuni. Ascan nantiari nanno nan pushurasi anumisifo Beerseba.

Génesis 28:18

Iyoconaino funanmarishta Jacob funitan nan toquiriqui tucusamua finifoantan nichini. —Nan toquiri oinquin un Dioshuunoa shinantiro. Nunofin uqui Diosin oaquin, —ishon shinanni. Asca huatan shuni toquiri camaqui ocani.

Génesis 37:15

Funafoanfafainnaino nocofunu aqui noconi, —¿Tsoa min funafoanfafainnimun? —huaiton

Génesis 46:1

Ascatan Jacob ahuun anu futsan Israel nan ipaoni anoashu nantifi ahuun ahuara ipaonifoya Egipto ari fonifo. Beerseba pushu rasi ano nocoshon Upa Diosi cufini nan yoia cuscan aashquin.

Salmos 107:4

Ato ichanan huataima atirifi tsoa istaipama anoashu foanfafaincani funonifo. Tsoancai pushu rasi fuchinima ano ishcaquin.

Juan 8:35

Man man tapia ahuun yonoshomisicai ifoan pushu muran ipanacama. Pushu ifoan ahuun facu pushu muran ipatiro.

Josué 3:1

Ascatan iyoconaino Josué fu nantifi ahuun caifo Israelifo pushu rasi ahuun anu Sitim anoashu unu Jordán cusumunri fonifo. Nanno pocuafotaima nanno iyopaonifo.

1 Samuel 15:12

Ascano iyoconaino Samuel Saúl funaiton futsan yoini, —Saúl pushu rasi Carmel ano man caa. Nanno toquirifo putsamuinia yorafoan oinonfo Amalecitafo rutuafo cuscan ahuunoa shinansharanonfo. Nanscashu Gilgal ano caran, —ishon yoinifo.