Génesis 20:7 - Sharanahua: Diospan Tsain

⁷ Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

Génesis 20:7 ပူးပေါင်းရင်းမြစ်များ

Génesis 12:15

Ascan Egipcio niaifo Faraón ahuun yonomatifoan Sarai oincashon Faraón yoinifo isca huaquin, —Niaifo Faraón, non ainfo oian fasi sharashtacoin, —ishon yoinifo. Ascan Faraón pushu muran Sarai iyonifo.

Génesis 12:17

Ascafia nocon Ifo Diosin yononi cuscan niaifo Faraón yafi nantifi ahuun pushu murannoafo isin fasi chacafo ato fuchimani. Saraihuunshon Diosin ato onaintimaquin ato nansca huani.

Génesis 2:17

Ascan nan fana futsan ahuun anu shara yafi chaca nan piyamahuun. Ascan nicayosmacai nan fimi piashuforan nan icocoin min nairan, —ishon yoini.

Génesis 20:3

Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 20:8

Ascan iyoconaino funamarishta Abimelec nantifi ahuun niaifofo patasharinoafo cunani ahuun namapanhuunoa ato tapimashquin. Nicacanashu ratucoinnifo.

Éxodo 18:17

Ahuun raisi Jetro cumani, —Min acai cuscacai sharama.

Éxodo 4:16

Min ochi mihuunoa mato yorafo yoishquin. Min tsain cuscararishon ato yoisharatiro. Nan min ochifin ua cuscaran min Diosin yoi cafisca huaiquin.

Éxodo 7:1

Ascano nocon Ifo Diosin cumani, —Ua nicahuun. Un Faraón yoipaiyai cusca min aqui cai minhuunoa un yoinon. “Moisés Diosin shafai,” Faraón mihuunoa shinanshquin. Un mia yoiai cuscan min ochi Aarón niaifo Faraón yoitiro. Aarón min yoishomisi itiro.

Hechos 8:24

—Ua Ifo Jesús cufishohuun min ua yoia cuscan ua Diosin onaintimanonma, —ishon Simón cumani.

1 Corintios 14:4

Ratoranfoan tsain futsaman yoiquin afiri nicamutiro Diosin imapaiyai cuscan aquin. Ascafia nan ratoran futsan Diosihuunshon ahuun tsain yoiaiton nantifi Jesús icoinra huafoan nicatirofo Diosin noco yoipaiyai cuscan nicasharashu Jesús cuscara shara itirofo.

Hebreos 1:1

Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.

Hebreos 13:4

Nocofunufoan maton ahuinfofoya noinancahuun. Ascashu shinanmasharatanancahuun. Ascatari maton ahuin non maton funu fusti fu icahuun. Ascafia ratoran futsa aton ahuinma non aton funuma fu icaifoan Diosin nanscarafo ato onaintimashqui.

1 Juan 5:16

Ascan tsoan Jesús icoinra huafiashon chaca huaiton oinquin non Upa cufishotiro chaca shatunon. Ascan Upa Diosin ato numatiro nipanonfo ato imasharatiro. Ascafia futsafoan ipaitsi Jesús ifoancoinna ointsa iyofiashon chipo potacoian. Chaca shinanfafainquin Dios cachiquiri huacoinnafo. Ascarafocai tsoashtan numatiroma nipanon. Naashu omitsispacunacafo muran focani. —Ahuunoa Upa cufishocahuun, —ishoncai un mato anori yoima.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

1 Samuel 7:5

Afanan Samuel Israelifo yoini isca huaquin —Uhuun yorafoan, nantifi Mizpa mai ano uqui fucahuun un mato nocon Ifo Diosi cufinshonon, —ishon Samuel ato yoini.