Génesis 20:13 - Sharanahua: Diospan Tsain

¹³ Ascan Diosin uhuun upa mai arishon ua nichinitian uhuun ahuin un yoini isca huaquin, “Min ua noiquin non raquira nocoaitian min ato yoitiro, ‘Abraham uhuun ochiran,’ ato huahuu,” —ishon Abraham Abimelec yoini.

Génesis 20:13 ပူးပေါင်းရင်းမြစ်များ

Génesis 12:1

Ascano shafan futsa nocon Ifo Diosin Abram yoini isca huaquin, —Min mai yafi min yorafo non min upa ahuun pushu anoashu catahuu. Un mia mai futsa ismai min ano ishquinon.

Génesis 12:9

Asca huatan nannoashu afanan funaiquimashta cani Néguev ano nocopai.

Génesis 20:12

Ascanori icon Sara uhuun chico. Uhuun upa facufiashu uhuun uhua futsa facu. Ascacun un fini uhuun ahuin inon.

Génesis 20:5

Asca Abraham ua yoia isca huaquin, “Nan Sara uhuun chicoran,” ua huaa. Nanscarifi huaquin Sarapan yoia, “Nan Abraham uhuun ochiran,” ua huaa. Asca uncai ascara chaca shinanshon fiama. ¿Asca ahuuscashomun un tapitiroquin Abraham ahuun funu? —huaiton.

Hechos 5:9

—¡Ohua! Ahuuscain min funu futan tsoan tapimaran ishon “Diospan Yoshin Shara man fomanpaiyain. Tsoan tapimaran,” ishon man shinan. Man shinan raca Diospan Yoshin Sharapan tapiama. ¡Oinpon! Na pushcohuaifoan min funu mai huatacani fucani miarifi mai huacaniran, —ishon Pedronun yoini.

Hebreos 11:8

Nocon shuni Abraham arifi Dios icoinra huacoinpaoni. Ascan Diosin Abraham yoiquin isca huani, —Nan un mia iyopaiyaiquiri min catiro. Ascan min cainni anoashu catahuun. Nanno un mia mai inain mina inon, —ishon Upa Diosin yoini. Ascaran tapiataima ini raquiricaimain caiquin. Ascafia nan Diosin yoia cuscacoin ani.