Génesis 20:1 - Sharanahua: Diospan Tsain

¹ Ascano nantiari Abraham nan icanoashu mai futsa Néguev ari cani. Nanno pushu rasi rafu Cades yafi Shur. Nan rafu nushmancayan pushu rasi futsan ahuun anu Gerar. Nanno Abraham nituyoni.

Génesis 20:1 ပူးပေါင်းရင်းမြစ်များ

Génesis 10:19

Nantifi nan Canaán ahuun funafo nan manifotifi aton mai uhuapa nan Gerar anoashu pushu rasi Sidón ari noconifo. Nannoashu pushu rasi Gaza ano noconifo. Nannoashu pushu rasifo nan Sodoma yafi Gomorra nan Adma non Zeboim non Lasa anori nan Canaán funafoan ato mai ipaoni.

Génesis 12:9

Asca huatan nannoashu afanan funaiquimashta cani Néguev ano nocopai.

Génesis 13:1

Ascano Abram ahuin yafi ahuun ahuarafo non ahuun ushto facu Lot non nantifi ahuun ahuarafoya Egipto anoashu fonifo Néguev mai ano nocoshcaquin.

Génesis 14:7

Ascasho Quedorlaomer yafi niaifo futsafo aton ranushumuafoya nasonifo En-mispat mai ano noconifo. Nan mai En-mispat ahuun anu futsa Cades ini. Nanno nantifi atoqui nocoashu rutunannifo. Nan Amalacitafo rutufain Amorreofori rutunifo. Nan Amorreofo Haseson-tamar mai ano ipaoni.

Génesis 16:1

Abram Canaán mai ano nocoi taunitian man mucu rafuti fari finoan ini. Nantian Sarai yafi Abram facuoma inifo. Ascacun Saraipan ahuun oinmati funu Abramqui iyoni ahuun ahuin futsa inon. Nan ahuun oinmatinin ahuun caifo Egipciofo ini. Ahuun anu Agar. Ascashon Saraipan funu Abram yoiqui isca huani, —Nocon Ifon Dios ua facu inanma. Ascacun uhuun oinmati fu min itiro. Ahuun facufo uhuunacoin cuscara inon, —ishon Saraipan funu yoini. Nannori yoiaiton nicaquin ahuin cumani, —Ai. Mian yoia cuscan shararan, —huani.

Génesis 16:14

Ascacun nan pozo nanno anuni, —Nuno pozo anoshon nan Diosin nipanacaton ua oianran, —ishon nannoa pozo anuni. Natianrifi nan pozo nanno Cades yafi Bered nushmancaya.

Génesis 16:7

Ascashu Agar fain cani. Nan fain pushu rasi Shur ano noconi. Nan Abram icano Shur nushmancayan fai cusumunri tsoa istaipaima ano Agar noconi. Nanno pozo cuscara ini. Ascano nannoshon nantia Diosin oinmati a fu nai muran icaton Agar fuchini.

Génesis 18:1

Ascano nan ihui uhuapafo Mamre naman Abraham tsaoa ini. Ahuun pano pushu caincaiti ano tsaoni. Fari masafinin racano fasi niscacoin nanno tsaoa ini. Ascan nantia nocon Ifo Diosin Abraham oinmariscatani.

Génesis 21:34

Filisteofo mai ano fari ichapa Abraham nan mai ano iyopaoni.

Génesis 24:62

Nantian Abraham Hebrón ano iyoni. Nan Hebrón Néguev muran. Ahuun facu Isaac Hebrón anoashu nan pozon ano cani. Nan pozon anuni isca huaquin, —Nan Diosin niaton pozoanoa unu ayaquin ua oinran, —ishon yoimisifo.

Génesis 25:18

Ahuun funafo Havila mai yafi Shur mai nushmancayan ipaonifo. Nanno chaimashta Egipcio mai. Nannori Ismael funafo icano fai Asiriaqui nocoa ini. Nanfo noincasmanan tanannifo.

Génesis 26:1

Nantian tushu yamacoin fonitian. Abraham niyoatian ini cuscariai. Isaac Gerar mai ano tushu fipai cani. Nanriafoan Filisteofo aton niaifo Abimelec ini.

Génesis 26:20

Asca chashoan cushumisifo shatsocamun Gerar mai icano, —Na unu tsosi shara noconaran, —ishon yoinifo. Nantian Isaac ahuun chashoan cushumisifo yafi Gerar icano chasho cushumisifo achinannifo. Ascashon Isaac pozo anuni achinanforan ishon anuni.

Génesis 26:26

Ascano shafa futsa niaifo Abimelec Gerar mai anoashu Isaacqui noconi a fu tsainshquin. Yora rafuri a fu fuafo ahuun yorahuan Ahuzat yafi ranushumua niaifo ahuun anu Ficol.

Génesis 26:6

Nannori Diosin yoiaiton nicatan Isaac Gerar mai ano nituyoni.

Éxodo 15:22

Ascano Moisés ahuun caifo nan Israelifo ununhuan ahuun anu oshin anoashu tsoa istaipama ano ahuun anu Shur ano ato iyoni. Nanno osha rafu non fusti foanfafainfiacaquicai tsoan anoa unu fuchinima.

Números 13:26

Ascano Moisés yafi Aarón non aton caifo Israelifo tsoa istaipama ahuun anu Parán nanno pushu rasi Cades ano inifo. Nanno nan doce nocofunufo atoqui nasonifo nan oianfo cusca ato tapimanifo.

Números 20:16

Ascano non nocon Ifo Diosin fasi cufini noco numanon. Nocon Ifo Diosin noco nicaquin ahuun oinmati a fu nai muran ica nocoqui nichini noco Egipcio mai anoshon iyonon. Natian non Cades ano nocoa. Nan pushurasi mato mai chaima ica.

Deuteronomio 1:19

Ascan nocon Ifo Diosin noco yononi cusca non Horeb anoashu cani machi Amorreofo icafoanno non noconon. Nan mai fasi chaca ano tsoa istaipama ano finonfainni cai Cades ano noconi. Man man oinni.

Deuteronomio 32:51

Mato rafu unu Meriba-cades anoshon un mato yononi cusca maton yorafoan aton ointaificai man anima. Un fasi sharacoincucai man ato ismanima.

1 Samuel 15:7

Ascano Saúl futan Israeli ranushumuafoan Havila mai aria yafi Shur mai aria nan Egipcio mai anoshon fari oaiquirishon Amalecitafo rutuqui futsanifo.