Génesis 19:5 - Sharanahua: Diospan Tsain

⁵ Ascashon oi ashcafinin cunanifo, —¿Ranimun nan nocofunu rafu min pushu muran iquiafoquin? Noco ato caimashohuun non ato chotanon, —ishon yoaifoan.

Génesis 19:5 ပူးပေါင်းရင်းမြစ်များ

Génesis 19:6

Lot atoqui chifi cainni. Fupoti fupoqui shara huatan ato yoini, —Uhuun yorafoan, man yoiai cuscan fasi chacacoin. Ascayamacahuun.

1 Corintios 6:9

Man tapiamamun a yora chaca huamisifo Diosin niaifo ari itirofoma. Mafiri paramuyamacahuun. Nan maton ahuinma fu man icaino ainfofori aton funuma fu icaifoanno diosiyamafiacun fuchipaifain nan nocofununri afu nocofunu futsa fu icaino nanscarifiai afu ainfo fu futsa fuchinanpaiquin chaca huatananashu ainfofosi afo ranan iquinainfo icain

1 Timoteo 1:10

Aton ahuinma non aton funuma fu icain nocofunufo yafi ainfofo chaca huatananmisi icain futsa curushcain aton yonomati imafain chanimisifo. Ascacanashu ahuara futsa Diosin noco sharacoin yononi cuscan nicacasmacani. Nanscarafo Diosin ato nicamapai nan yononi cuscacoin anonfo. Ascafia chaca huamisifo cuscan shatuyamaifoan ato onaintimashqui tapinonfo. Upa Diosin ua yononi cuscan ahuun tsain sharacoin nantifi yorafo un ato yoinon. Nocon Dios fasi sharacoincun.

2 Timoteo 3:13

Ascano nan yora chaca huamisifo yafi paramisifori chaca finacoinya ishquicani. Futsafo paraifoan atorifi futsafoanri parashcani.

2 Pedro 2:2

Nanfoan fasi chacacoin ato tapimanai cuscari yora ichapafoan ato tanashcani. Ascashon Diospan tsaincoinhuunoa shinanchacatirofo. Ascacashu Diosin ato shinanmapaiyai cuscan funoafo.

2 Pedro 2:7

Ascan nan Sodoma yafi Gomorra coataima nan nocofunun Lot Diosin yononi cuscan tanacoianshu isharapaoni. Ascan nanno icafoan chaca fustisi shinanpaonifo. Ascaifoan shafatifi Lotpan ato oinni chacanisi tapiaifoan. Ascaifoanno ahuun nomuran fasi fucash mupaoni. Nocofunufoan shafatifi tsain mutsama yoifafainafoaino nicai ahuun nomuran fasi ihuucoin muuni. Ascacun Diosin nan fusti numani chaca huamisifoya nanonma.

Judas 1:7

Diospan oinmati a fu nai muran icafoan chaca huapaonifo cuscari Sodoma yafi Gomorra chaimashon nanscara chaca huapaonifo. Nocofunufoan aton ahuinma chotaifoanno. Ainfofoanri aton funumafo chotamapaonifo. Nocofunufori afi ranan chotananpaiyaifoanno ainfon tanatama. Ascacani chacanisi tapipaonifo. Ascacun atohuunshon non tapitiro nan chaca huamisifo omitsiscapanacafo muran focani. Nanhuunoari ointiaquimayamacahuun.