Génesis 19:16 - Sharanahua: Diospan Tsain

¹⁶ Ascashon yoifiafocai Lot cariscayamaiton nan rafutan Lot yafi ahuin non ainfacu rafu mutsofainifo ato pushu rasi anoshon ato ichoquini. Diosin atohuun ramapaiquin ato cushusharani.

Génesis 19:16 ပူးပေါင်းရင်းမြစ်များ

Génesis 19:15

Ascan iyoconaino man shafaino Diospan oinmati a fu nai muran imisifo rafutan Lot yoinifo, —Noco fu oriscahuu. Funihuu min ahuin yafi min ainfacu rafu nunoshon iyoriscatahuun. Man ichoyamashu marifi man natiro Diosin na pushu rasi man cuyoiqui, —ishon nan rafutan yoini.

Génesis 43:10

Non cayamuafin shara icuanaquin. Man oshu ichapa finonfiashucai non camisima. Non cariscayamuafin shara icuanaquin. Man nonfin ari cai rafua icuanaquin tushu fiishquin, —ishon Judá apa yoini.

Salmos 103:13

Apan ahuun facuhuun ramapaiquin shinansharatiro cuscan. Nanscarifi ai tsoan Ifo Dioshuunoa yoisharamisifin nocon Ifon Diosiri atohuun ramapaiquin.

Salmos 107:1

Nan Ifo Diosifin sharaquin. Nanton nocohuun noipacunaca. Ascacun yoicahuun isca huaquin, —¡Aicho, Ifon! Min noco shara huafafainiran, —ishon yoicahuun.

Salmos 32:10

Ascan tsoan Ifo Diosi chaca huamisishaquin fasi omitsiscashquiquin. Asca tsoan nocon Ifo icoinra huatan a fu icacainaifin atohuun noiquin unupacunacamaquin.

Salmos 34:12

Chai nipapaiquin shara fustisi huafafaincahuun. Ahuara chaca huayamafain futsafo chani yoiyamacahuun. A yoia cuscan acoinpaicaquin.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Éxodo 34:6

Diosin Moisés finonfoanquin yoini isca huaquin, —Unfin mato Ifoquin. Un matohuun ramapaicain un mato shara huamisi. Uncai matoqui funa sinatiroma. Un mato noia cuscacai un unupacunacama. Nan un mato yoiai cuscafin un nanscacoinmisiquin. Uncai mato parapacunacama.

Éxodo 34:7

Unfin yorahuan rasi ato ismamisiquin un ato noiai cuscacai unupacunacama. Nan yorafoan chaca futsa futsatapafo huafain un ato yonoa cusca ua nicacasmamisifofia un ato rauhuashocai afanan aton chaca un shinainma. Un ato rauhuafia aton chaca shatuyamaifoan un ato onaintimai. Ua chaca huaifoan unfin atohuunshon aton facufo non aton chatafo non aton shotafo yafi ahuun facufori un ato onaintimairan, —ishon nocon Ifo Diosin Moisés yoini.

Números 14:18

Nocon Ifo Diosin, nocoqui funa sinayamapun. Min yorafohuun fasi noicai unupacunacama. Uhuun yorafoan miqui chaca huaifo cusca min ato yonoa cusca ayamafiaifoan aton chaca soashofain ato rau huahuu. Min yoiquin isca huani, “Un ato rau huafia aton chaca shatuyamaifoan un ato onaintimai. Ua chaca huaifoan un atohuunshon aton facufo non aton chatafo non aton shotafoan ahuun facufoya un ato onaintimacoinran,” ishon min yoini.

Lucas 18:13

Ascafiainocai nan niaifo pui fishomisiton anori yoitama. Mananquiri foistamari. Tutipacutsishon shochi sutu sutuaquin yoini, “¡Ohua! Diosin, un mia fasi chaca huamisi. Uhuun ramapaihuu. Un chacaquin,” huani.

Juan 6:44

Icon Upan Diosin ua nichini. Ascanfiacai tsoan Upa Diosin aton nomuran shinanmayamainocai ua icoinra huatirofoma. Ascan un afanan nai murannoashu mai ano nasoaitian ua icoinra huafoti un funimashquin Upa Dios fu ipanonfo.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.

2 Corintios 1:3

Non Upa Dios yoisharanon. Isca huaquin, —Upa Diosin, min noco shara huafafaini. ¡Aichoran! —ishon non Upa yoinon. Nanfin nocon Ifo Jesucristo apaquin. Nanrifi nocohuun ramapai. Non omitsiscafiaiton nocon nomuran shinanmasharatiro. Ascano non mua cuscan huafain futsa omitsiscaiton non ahuun ramapaiquin ahuun nomuran non shinanmasharatiro. Ahuara futsan omitsiscamai cuscan non yoisharatiro ahuun nomuran shinanmasharanon.

Deuteronomio 4:31

Man nanscaiton nocon Ifo Diosin matohuun ramapaicain mato potaima. Maton shunifo yoiyoni cusca mato potapacunacama. Nancai mato ointiaquimapacunacama.

Deuteronomio 6:21

Ato cumaquin isca huacahuun, “Nonfin Egipciofoan aton niaifo Faraón ahuun yonomatifo ipaoniquin. Ascacun nocon Ifo Diosin ahuun curushhuunshon ato mai arishon noco ihuuni.

Josué 6:22

Ascatan nan nocofunu Jericó oinqui tauhuaiyonifo rafu Josué ato yoini isca huaquin, —Man nan ainfo furoma yoiyoni cuscan ahuun pushu muran iquicahuun. Nan non ahuun yorafoya chifi cainmacahuun, —ishon Josué ato yoini.

2 Pedro 2:7

Ascan nan Sodoma yafi Gomorra coataima nan nocofunun Lot Diosin yononi cuscan tanacoianshu isharapaoni. Ascan nanno icafoan chaca fustisi shinanpaonifo. Ascaifoan shafatifi Lotpan ato oinni chacanisi tapiaifoan. Ascaifoanno ahuun nomuran fasi fucash mupaoni. Nocofunufoan shafatifi tsain mutsama yoifafainafoaino nicai ahuun nomuran fasi ihuucoin muuni. Ascacun Diosin nan fusti numani chaca huamisifoya nanonma.

2 Pedro 2:9

Nanscarifi aqui nocon Ifoan ahuun yora sharafotisi numatiro ahuarafoan noco chaca huamapaifafainnai cuscan non anonma. Ascashon nan chaca huamisifori ato onaintimashqui ahuun unutaqui ato omitsiscapanacafo muran potashquin afanan ariashu funonfoma.