Génesis 19:14 - Sharanahua: Diospan Tsain

¹⁴ Nicain Lot ahuun ainfacu rafutan chai funu rafu icano ichoni ato tapimai cai, —Cariscatahuun. Na pushu rasi Ifo Diosin cuyoiqui nantifin nunoa yorafo nanonfo. Ascacun ichotacahuun nashcaquima, —ishon Lotpan yoini. Ascafiaitocai tsoan icoinran huanima. —Lotpan noco cashu huairan, —ishon shinannifo.

Génesis 19:14 ပူးပေါင်းရင်းမြစ်များ

Génesis 19:15

Ascan iyoconaino man shafaino Diospan oinmati a fu nai muran imisifo rafutan Lot yoinifo, —Noco fu oriscahuu. Funihuu min ahuin yafi min ainfacu rafu nunoshon iyoriscatahuun. Man ichoyamashu marifi man natiro Diosin na pushu rasi man cuyoiqui, —ishon nan rafutan yoini.

Génesis 19:17

Ascashu pushu rasi anoashu chaimashta fonifo. Ascashon Diospan oinmati futsan afanan ato yoini, —Ichoriscatahuun naashcaquima. Ifiacuyamacahuun. Machi nushmancayan rafu ano nituhuayamacahuun. Man machifo ano ichoyamaiton man nai cuyoshquin, —ishon ato yoiaiton.

Génesis 19:22

Ascafia ichoriscatahuun. Min ari nocoataima uncai ahua ahuusca huayotiromaran, —ishon Diospan oinmatinin yoini. Ascacun natian yafi nan ipanaca nan pushu facufo anumisifo Zoar. Nan tsain Zoar yoipai, —Pushu facuforan, —huamisifo.

Éxodo 12:31

Ascano nan yamutan niaifo Faraón ahuun yora futsa nichini Moisés yafi Aarón ihuitanon. Aqui nocoafotian ato yoini isca huaquin, —Nantifi maton caifofo Israelifo non maton inafoya uhuun mai Egipcio anoashu foriscatacahuun man ua yoca cusca maton Ifo Diosi cufinfain uarifi cufinshocahuun ua numanon, —ishon Faraón yoini.

Éxodo 9:21

Ascafia atirifi ahuun niaifo patasharinoafoan shinan Diosi yoia cuscacai ahuama. Ascashocai aton yonomatifo non aton inafo tsoan pushu muran iquimanima.

Números 16:21

—Na yorafomaquinoashu foriscatacahuun un ato namarisca huaiquin, —ishon Upa Diosin Moisés yafi Aarón yoini.

Números 16:26

Atoqui nocotan Moisés nantifi Israelifo yoini isca huaquin, —Na yora chaca icanoashu foriscatacahuun. Ato ahuarari muunyamacahuun. Man ato ahuara muaino marifi aton chacahuunoashu man nai futsushquinran, —ishon Moisés ato yoini.

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Mateo 1:18

Jesucristo cainfin iscaniquin. José María yoini, —Non fiananon, —ishon. Ascafia fiananfotaima María man facu nanua ini. José ayamafian Diosin Yoshin Sharapan nanumana.

Mateo 9:24

Ascaifoan Jesús ato yoini, —Chifi caintacahuun. Na facucai naama. Oshafinquin, —ato huaiton osanifo.

Lucas 24:11

Ascafiaifoancai ato icoinra huanifoma. —Icon yoicanimaran, —ato huanifo.

Lucas 9:42

Ascashon furun ihuushonaino yoshin chacanun afanan musta mustaimainifoanaino pacuni. Ascaiton Jesús yoini, —Minfin yoshin fasi chacacoinquin. Na facumaquinoashu catahuun, —ishon Jesús curushcai yoiaino facu cayani. Ascaiton Jesús apa yoini, —Naquian min facu. Iyosharatahuun, —huani.

Hechos 17:32

Jesús nafiashu funini nicacani atirifi shuchinifo. Atirifoanri yoinifo isca huaquin, —Shafa futsan afanan noco yoihuu non nicanon, —ishon Pablo yoinifo.