Génesis 18:6 - Sharanahua: Diospan Tsain

⁶ Ascatan Abraham ahuun pano pushu ano ichoni Sara tapimaicai. Ascashon ahuin Sara yoini, —Ariscahuu. Veinte dos litros de harina firiscahuu ato misi huashoshquin, —ishon ahuin yononi.

Génesis 18:6 ပူးပေါင်းရင်းမြစ်များ

Génesis 18:5

Ascano man uqui ocun un mato pimaiyoi. Man tunuyotiro atsanashquima. Ascashu chipo afanan fosharatashcaquin, —ishon Abraham nan rafu non fusti ato yoini. Ascaiton cumanifo, —Nan min noco yoiai cuscan min noco ashotiroran, —ishon yoinifo.

Génesis 18:7

Asca huatan moifo anori ichotan ahuun oinmati yononi moipan facu nami pachi shara rutunon ato pimashquin.

Génesis 19:3

Afanan ato yoini, —Uhuun yora rafutan, uhuun pushu ano fucapun nanno oshashcaquin, —ishon Lotpan ato yoiriaino a fu fonifo. Ascashu ahuun pushu muran iquinifo. Ascashon ato tushu itishara huashofain misi farashati maisi ato pimani.

Mateo 13:33

Ascan Jesús ahuara futsa ato yoini Diosin nantifi yora iquinai cuscan tapinonfo. Afanan ato yoiqui isca huani, —Diosinmain ahuun yorafo ahuusca huatiroquin un mato tapimai. Diosin ahuun yorafo nantifi ato iquifain ato yonotiro. Ainfoan farashati ichapamashta harinaya osishon camisconano farashinitiro. Nanscarifiai Diospan yorafoan nan icoinra huamafo muranshon nantifi ato shara huatiro, —ishon ato yoini.

Hechos 16:15

Ascaiton icoinra huaino ahuun yorafoanri icoinra huanifo. Icoinra huaifoan ato unu muran iquimani Jesús aton Ifocun ismashcaquin. —Man tapia unrifi nocon Ifo Jesús un icoinra huaquin uhuun pushu ano fucahuun un mato pimanon. Nanno man itiroran, —ishon Lidia noco yoini.

Romanos 12:13

Diospan yorafo yopai cuscan ato inancahuun. Futsafo pimasharacahuun. Pushu yopaifoan maton pushu muran ato iquimacahuun. Ato cushusharacahuun.

Gálatas 5:13

Uhuun yorafoan Jesucristohuunshon ahuun tsain fusti natian tanacahuun. Ahua futsan mato yonotiroma man yonomatifo inon. Ahua futsan mato yonoyamafiaiton chaca huayamacaquin. Jesús mato numafiano, —Natian nofin apaiyai cuscan non huatiroran, —iyamacahuun. Ascan noinancahuun. Ahuun noiquin shara huacahuun.

Hebreos 13:2

Diospan yorafo mai futsa ariashu matoqui nococun ato shara huacahuun. Ascan futsafoan Diospan yorafo atoqui nococun oinyamafiamisishaquin ato shara huaquin tapinifoma nanfo Diospan oinmati afu nai muran icafofiacun.

1 Pedro 4:9

Futsafo maton pushu ano nocoaiton aqui unimacai mato pushu muran iquimasharahuu. Mato nomuran aqui mutoquima.

1 Samuel 28:24

Ascaiton ainfoan oinquin samamashta moipan facu shunicoin rutuni. Coshicoin pichafain misi farashati maisi pichani.