Génesis 18:32 - Sharanahua: Diospan Tsain

³² —Ifon, uqui sinayamahuu un fustishta afanan mia yocanon. ¿Min mucu rafuti yorafo min yonoa cuscan huamisifo fuchishonmun min nantifi cuyoiqui? —huaiton. —Ma. Un mucu rafuti yorafo un yonoa cuscan huamisifo fuchishoncai nanfohuunshon un Sodoma yafi Gomorra anoafo un ato ahuusca huaimaran, —ishon nocon Ifoan Abraham yoini.

Génesis 18:32 ပူးပေါင်းရင်းမြစ်များ

Génesis 18:30

—Ifon, uqui sinayamahuu un afanan mia yocanon. Min fuchitiroraca treinta yora shara min yonoa cuscan huamisifo nanno, —huaiton. —Un treinta yora un yonoa cuscan huamisifo fuchishoncai un Sodoma cuyoimaran, —huaiton.

Génesis 18:31

—Ascacun ranotama un mia yocai, Ifon. Ascan afanan un mia yocai veinte yora min yonoa cuscan huamisifo fuchishonmun min nantifi Sodoma yafi Gomorra anoafo cuyoiquin, —huaiton. —Ma. Un veinte yorafo un yonoa cuscan huamisifo fuchishoncai nanfohuunshon nan pushu rasi rafu un ato ahuusca huaimaran, —huaiton.

Génesis 44:18

Nicatan Judá aqui chaimashta cashon yoini, —Niaifon, ua nicapun. Min Faraón niaifo cuscararifiashu un mia yoiai cuscan uqui sinayamapun.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Éxodo 32:14

Nannori Moisés huaiton nicaquin nocon Ifo Diosin shinan futsani. Ascashocai Israelifo cuyonima. Nan ato yoia cusca ato rutuqui cuyopaifiaquin.

Mateo 7:7

Afanan ahuara futsa un mato yoiai cuscan nicacahuun. Ahuara yopaquin Upa Dios yocacahuun mato ashonon. Man yocain cuscan funaquima manasharacahuun nan Diosin mato ashoaitian. Ascacun Upa Diosin cufifafaincahuun man cufiai cuscan mato inanon.

Efesios 3:20

Non Upa Dios nocon nomuranshon shinain cuscan non yocafiamisi atofin fasi finonmafain noco ashotiroquin. Ahuun curushhuunshon nocon nomuran mutsismainifoanna cuscan huafain ahuamamishti noco ashotiro.