Génesis 18:19 - Sharanahua: Diospan Tsain

¹⁹ Un Abraham catonni ahuun facufo yafi ahuun funafori ua tanasharashu cayacafi shara shinanonfo. Ascaifoanno un Abraham yoiyotiani cuscan un ashotiroran, —ishon nocon Ifo Diosin yoini.

Génesis 18:19 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 12:3

Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 17:9

Ascashon Diosin afanan Abraham yoini, —Un mia yoiyotiani cuscan nicacoinhuun. Min funafoanri nicacoinnonfo.

Génesis 22:18

Min ua nicacoian. Ascan min funafohuunshon un nantifi manifotifo shara huashquiran,” —ishon Diosin Abraham yoini.

Génesis 35:2

Nicatan Jacob ahuun yorafo yoini isca huaquin, —Nan rami huafo maton dioscoinma man aya cuscan potafain nashitacahuun maton sahuutifo rama patsamuafo sahuucahuun.

Salmos 1:6

Nocon Ifo Diosifin yonoa cuscan huamisifo oinfafainniquin ato cushusharashquin. Ascan nan ahuun tsain nicacasmamisifo omitsiscapanacafo muran focaniquin.

Salmos 34:15

Tsoan nocon Ifoan yonoa cuscan huamisifo ato cushusharamisi nan cufiainfo cuscan ato ashoshquin.

Mateo 25:17

Nanscarifi aqui nan pui dos mil fiaton afanan dos mil fia.

Juan 10:14

Unfin na chashoanfo cushumisi shara cuscaraquin. Cushumisinin ahuun chashoanfo onancoin ato cushusharamisi. Urifi ua icoinra huafo un ato cushusharamisi. Uhuun Upa Diosin ua onancoin. Urifi uhuun Upa un onancoian. Nanscarifiai ua icoinra huafo un ato onancoin. Nanfoanrifi ua onancoincaniquin. Un atohuunoashu naashquin.

Juan 21:17

Ascaiton afanan yoca futsani, —Pedron, minfin Juanpan facuquin. ¿Mianmun noiquin? —huaiton. Yocariaiton Pedronun fasi ointi noconi. Ascashon afanan cumani, —Ifon, minfin ahuamamishti tapiaquin. Man min tapiari un mia fasi noicoin, —huaiton. —Ascan ua tanamisifo cushusharahuu ua tanasharanonfo.

Hechos 27:31

Pablonun ato fuchishon ranushumua niaifo yoini, —Na shasho uhuapama man nitu huayamafin nantifi man asai futsutiroquin, —ishon yoini.

Efesios 6:4

Natiantan un apafori yoisharapai. Maton facufoqui tsain chipuyamafain curushcain yoiyamacahuun. Man tsain isininpaton ato yoiaino matoqui sinatirofo. Asca huaquimarocon ato tapimasharacahuun chaca huanonfoma. Nocon Ifon Jesús nocohuun noiai cuscan maton facufo yosisharacahuun noco Ifo tanasharanonfo.

1 Timoteo 3:12

Nan ichananfo aton shara huamisifori ahuin fustiyafo itirofo. Ascashon ahuin yafi ahuun facuforifi onihuaniti. Nanfoanri Jesús tanasharanonfo.

2 Timoteo 1:5

Ascan min nocon Ifo Jesús icoinra huacoinna cuscan min chichi Loida yafi uhua Eunice nannoricoin icoinra huamisifo. Ascano nan rafutan icoinra huaqui tau huani cuscan mirifi min chipo icoinra huacoinni. Nanfohuunoacai un ointiaquimamisima.

2 Timoteo 2:19

Ascafia Diosin tsain iconcoin. Toquirininhuancai tsoan rafutiroma. Diospan tsain nanscarari tsoancai fiananan huatiroma. Icon yoimisi cuscan nannoricoin. Toquirininhuanqui yora cunuacai tsoan soatiroma. Nanscarifiai Diospan tsain cununi isca huaquin, —Nocon Ifoan ahuun yorafo onancoian. Ascano ahuun yoracoinfoan chaca huamisifo cuscan potatiroforan, —ishon cununi.

2 Timoteo 3:15

Nan facushtashon min Diosin tsain shara tapinifoanna. Nanfoan mia shinansharamatiro min Jesucristo icoinra huashu afu ipashquin.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.