Génesis 18:17 - Sharanahua: Diospan Tsain

¹⁷ Ascano nocon Ifo Dios shinanquin isca huani, —Un ashquiai cuscan un Abraham tapimatiro.

Génesis 18:17 ပူးပေါင်းရင်းမြစ်များ

Génesis 18:21

Ascacun natian un oincai atohuunoa un nica cuscan iconmainquin. Ascayamacun un tapitiroran, —ishon Diosin yoini.

Génesis 18:22

Asca huatan nan rafu Abrahammaquinoashu Sodoma fain fonifo. Ascaino Ifo Diosin Abraham fu nituyoni.

Génesis 18:26

Nannori huaiton nicaquin nocon Ifoan cumani, —Ascan Sodoma ano un cincuenta yora un yonoa cuscan huamisifo fuchishocai nanfohuunshon un nantifi nannoa yorafo numashquin nanonfoma, —ishon Diosin yoini.

Génesis 19:24

Ascashu nocoaino Ifon Diosin nai muranshon chii yafi foi chashcaica Sodoma yafi Gomorra camaqui ocani.

Juan 15:15

Nan ufu rafuafosi un shinain cuscan un ato tapimatiro. Manfin ufu rafumisiquin. Ascan nantifi uhuun Upan ua yoimisi cuscan un matori tapimana. Ascacucai man afanan uhuun oinmatiforan un mato huaima. Man ufu rafumisiran un mato huashquicain.

Santiago 2:23

Icoinra huacoincun Upa Diosin ahuunoa yoini, —Abraham minfin sharacoinquin. Ascashu min ufu isharatiroran, —ishon yoini. Diosin Abraham yoiniri, —Abraham minfin ufu rafusharacoinmisiquin, —ishon Diosin yoini.