Génesis 17:8 - Sharanahua: Diospan Tsain

⁸ Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 17:8 ပူးပေါင်းရင်းမြစ်များ

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 13:17

Min nantifi oinyacuai cuscan yoifoanfafainhuun Nantifi nan mai un mia inain. Nan mai minaran, —ishon nocon Ifo Diosin Abram yoini.

Génesis 23:4

—Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 28:4

Upa Diosin min shota Abraham yoiyoni cuscan mia non min funafori nannori yoiquin. Nuno non icanocai nocon maima. Diosin min shota Abraham yoiyoni cuscan nan mai futsa noco inanshquin nocona inon, —ishon Isaac furu Jacob yoini.

Génesis 35:27

Ascano Jacob apa Isaac pushu ano noconi. Apa pushu rasi Mamre ano noconi. Mamre anu rafu non fustiya ini. Ahuun anu futsa Arba futsari Hebrón. Nanno Abraham yafi Isaac ipaonifo.

Génesis 36:7

Ahuun ushto fu ina ichapayacoianshu chipocumaqui pashcacainni. Ahuun inafo ahua pimatiroma oin mai futsa ari cani.

Génesis 37:1

Jacob ahuun apa Canaán mai ano iyopaoni arifi nanno iyopaoni.

Génesis 48:4

Ua tsain shara yoiquin isca huani, “Ua nicahuun. Un mia facu ichapa inain. Min funafo ichaparasi mani futsafo muran ishcani. Min funafo un ato na mai inain nanno ipanonforan,” ishon ua Diosin yoini.

Salmos 103:17

Asca tsoan nocon Ifohuunoa shinansharamisifin atohuuncai noiquin unupacunacama. Aton facufo yafi aton funafori ato yoiyoni cuscan huafain ato yononi cuscari huaifoan ato numashquin nanfo a fu nipanonfo.

Éxodo 13:11

Ascano nocon Ifo Diosin nocon shunifo yoiyoni cusca Cananeofoan aton mai noco inain. Ascacun nan mai ano icaitian Diosin noco yonoa cusca ointiaquimayamacahuun. Maton furun iyoafofo man Diosi inain ato amapaiyai cusca anonfo. Nantifi mato inapan facu iyoa funufori ahuuna iishquiquin. Nanscacun ointiaquimayamacahuun.

Éxodo 32:13

Min nocon shunifo Abraham non Isaac non Jacob yoiyoni cusca shinanhuun. Minhuunshon min ato yoini isca huaquin, “Un min funafo fasi ichapa rasi onihuashquin. Nan mai fasi sharacoin un ato inanshquin atona ipanon. Ascano min funafo fasi ichapacoin iishquin. Nan fishifo tsoancai ato tanan huatiroma. Nanscarifi ai min funafo chipo tsoancai ato tanan huashquinmaran,” ishon noco shunifo min ato yoini. Ascacun uhuun Ifo aton funafo cuyoyamapun, —ishon Moisés yoini.

Éxodo 6:4

Un ato yoiyoni cusca un ato nan mai futsa ahuun anu Canaán ano un ato inanshquin. Nan mai ano Canaánfo iyopaonifiacai afocai maton shunifoan aton caifoma.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Números 27:12

Ascano nocon Ifo Diosin Moisés yoini isca huaquin, —Abarim machifo nan futsa mamaqui mapunyohuu. Nanrishon nan mai shara un min caifo Israelifo un ato inain cusca oinyohuu.

Hechos 7:5

Nuno nichifiashocai maishta inantaima. “Chipo min non min funafori un na mai inain matona inon,” ishon Upa Diosin yoiyotiani. Anori yoiai cuscacai Abraham facu yatai inima.

Deuteronomio 32:49

—Machifo fari oaiquiri mai Moab ano catahuun. Nanno nan machi ahuun anu Nebo ano mapuhuu. Nebo pushu rasi Jericó ocuma futsa ini. Machi Nebo mamaquinoashu mai Canaán ointahuun. Naan mai maton yora Israelifo un ato inanshquin atona inon.

Deuteronomio 34:4

Nantifi oinmatan nocon Ifo Diosin Moisés yoini isca huaquin, —Nantifi nan mai min oian cusca un min shunifo Abraham non Isaac non Jacob un ato yoiyoni nantifi nan mai un aton funafo inanshquin. Un mia ano iquimayamafiamisishaquin natian un mia oinmanaran, —ishon nocon Ifo Diosin Moisés yoini.

Deuteronomio 4:37

Maton shunifo fasi noicoinquin matorifi shara huashomisi. Aafin ahuun curushhuunshon mato Egipcio mai arishon mato ihuuni.

Hebreos 9:15

Moisés ato yononi cuscan sharafiacucai tsoan nicafafainpaonima. Nantianri nantififain chaca huapaonifo. Ascano nanfoan chaca huapaonifo cuscan Cristo fustiton aton chaca soashotiro. Ascafoancai Moisés ato yononi cuscan afanan ato yonotiroma. Ascacun natian Cristo atohuunoashu nani ato chaca soashoshquin. Nanfin ato Numamisi sharaquin. Ascan Cristo icoinra huafoti Upa Diosin ato yoitiro isca huaquin, —Uqui fucahuun uhuun facuhuunoashu uhuun yorafo iishcaquin, —ishon yoitiro. Nanto noco yoiyotiani cuscan Furunhuunshon noco catontiro ahuun yorafo non inon.

Josué 1:2

Yoiquin isca huani, —Uhuun oinmati Moisés man naa. Ascano min natian min caifoan aton niaifo min itiro. Un na mai shara mato inain min caifofo min nanno ato iyotiro unu Jordán pocufaitan nan mai shara fiishcaquin.

Apocalipsis 21:7

Tsoan ua cachiquiri huatamarocon nan naitian ua tanasharacun nantonacaifin nantifi un mia yoia cuscan ahuunari iishquiquin. Naanfin un cashman inanshquin. Unfin ahuun Dios iishquin. Aafin uhuun facu iishquin.