Génesis 17:21 - Sharanahua: Diospan Tsain

²¹ Ascafia un mia yoiyotiani cuscan un Isaac fusti yoishquin. Ascashu fari fusti finoainno min ahuin Sara furun cainshquin. Nanton ahuun anu Isaac iishquiran, —ishon Diosin Abraham yoini.

Génesis 17:21 ပူးပေါင်းရင်းမြစ်များ

Génesis 17:19

Ascaiton cumani, —Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni.

Génesis 18:10

Ascaiton nocon Ifoan yoini, —Un fari fusti finontan miqui afanan nasoshquin. Nantiari min ahuin Sara facu cainshquinran, —huaiton. Sarapan ato cachori nishon nicani.

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Génesis 21:1

Nan nocon Ifo Diosin yoiyoni cuscan Sara shara huani.

Génesis 46:1

Ascatan Jacob ahuun anu futsan Israel nan ipaoni anoashu nantifi ahuun ahuara ipaonifoya Egipto ari fonifo. Beerseba pushu rasi ano nocoshon Upa Diosi cufini nan yoia cuscan aashquin.

Génesis 48:15

Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.

Éxodo 2:24

Israelifo fasi pashapai piniaifo cusca Upa Diosin ato nicaquin nan Abraham non Isaac non Jacob yoiyoni cusca Upa Diosin shinanriscatani, —Unfin mato funafo shara huapacunacaran, —ishon ato yoiyoni cusca Diosin nan Israelifohuun ramapaicoinquin ato shinanni.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Lucas 1:72

Ascashu noco shunifohuun Diosin ramapaipaoni. Abraham yoiyoni cuscacai Diosin ointi aquimanama. Yoiquin isca huani, ‘Un min funafo numashqui ato noicasmaifoan ato ahuusca huanonma. Ascano ratutama ua yonoshopacutirofoquin,’ ishon Diosin yoiyoni. Nocon Ifoan yoiyotiani cuscacoin man noco ashoin non isharacoincain non ahuun tsain tanapacushanon,” ishon Zacarías yoini.

Hechos 1:7

—Ahuutian iquimancai mancai tapitiroma. Nocon Upa Diosin fustiton yonotiro ahuutianmain ishquicain.

Romanos 9:9

Abraham ahuin Sarapan facu nanuataima Upan Diosin yoiyoni isca huaquin, —Fari futsan un miqui nasoshquin. Nantianri min ahuin Sarapan facu furonanfacu cainshquiran, —ishon yoini.

Gálatas 3:29

Ascan man Cristo ahuun yorashu marifi man Abraham funafo itiro. Ascaino nantifi Upa Diosin Abraham yoiyoni cuscan matonnari itiro.

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.