Génesis 17:10 - Sharanahua: Diospan Tsain

¹⁰ Un mato yonoi isca huaquin. Min non min facufo non min funafori nantifi nan nocofunufoan foshqui rupa shatushquin.

Génesis 17:10 ပူးပေါင်းရင်းမြစ်များ

Génesis 17:11

Nanhuunshon man shinantiro un mato yoiyotiani cuscacoin un mato onanti huai. Min non min funafori nanscacoin atirofo.

Génesis 17:23

Ascan Diosin amaqui caashon nan shafatari Abraham ahuun facu Ismael yafi ahuun pushu anoashu cainifo yafi puihuushon futsafo fini ahuun oinmati inonfo. Nanfo nantifi nan nocofunufo aton foshqui rupa shatuni. Nannori Diosin Abraham yonocun.

Génesis 17:27

Nantifi nocofunufo nan Abraham pushu anoashu cainnifo yafi mani futsafo ahuun caifoyamafiacun ato fini nanfoanri nantifi Abraham futan aton foshqui rupa shatunifo.

Génesis 21:4

Ahuun facu cainyaitian ocho osha finontan Diosin yononi cuscan Abraham Isaac foshqui rupa shatuni.

Génesis 34:15

Ascano min non nantifi min caifofoya min ascayamaino non inantiroma. Min non min caifofoya man ascaino man noco cuscaran itiro.

Génesis 34:22

Nocon foshqui rupa shatuyamaino non ato fu itiroma. Ascan atohuun caoashu non ato fu itiro.

Éxodo 12:48

Nan ratoran Israelifomafiashu mato fu ichananpai mato fu fusishquin iquisi aa non nantifi nocofunufo ahuun pushu muran icafo iquisi foshqui rupa shatuyotirofo nan un mato finonmani cuscahuunoa shinanpai nantian mato futan piishquin. Ascashufin nan mato mai anoashu cainni cuscaran itiroquin. Ascan nan ratoran futsan foshqui rupa shatuamacai mato fu fusitiroma chashoanun facu piishquin.

Éxodo 4:25

Ascano nannoshon Moisés ahuinin ahuun anu Séfora cunoti cuscaran toquiri pasnan cunocoin fiini. Ascashon ahuun facun ahuun foshqui rupa shatuni. Ascatan ahuun ahuinin ahuun funu Moisés tau naman potani. Ascashon ahuinin yoini isca huaquin, —Minfin uhuun funu. Un mi fu fianaintiancai un tapinima nocon facu un ahuun foshqui rupa shatushquiai cusca imi fonon, —ishon nannori yoini. Nan ahuinin furun foshqui rupa shatuaiton oinquicain nocon Ifo Diosin Moisés namanima.

Juan 7:22

Un tunutitianfiacun ahuara shara huaa cuscan marifi tunutitian ahuara man huamisi. Moisés noco yononi cuscan manfin maton furonanfacufo rama caian ocho osha finoanno maton furonanfacufo man ato foshqui rupa shatumisiquin.

Hechos 7:8

Ascan Upa Diosin Abraham yononi isca huaquin “Min furonanfacufo ato foshqui rupa shatuhuu. Ascan huatanfin min tapitiroquin. Unfin maton Upa Dios ipanacaquin. Un mato cushufafaini min funafo ichaparasi inon.” Ascacufin Abraham ahuun facu Isaac caintan ocho osha finontan facu ahuun foshqui rupa shatuni. Ascan Isaac nocofunuaitian man facu yari anuni Jacob. Ascan Jacob nocofunuaitian ahuun facu furonanfacufo doce. Nanfo nocon shunifo. Afohuunshon nocon caifo anumisi.

Romanos 2:28

Diospan yoracoinin ahuun tsain tanasharatiro. Nanfofin Israelicoinfoquin. Futsafo Israelicoinfo cainfianishaquin Diosin yononi cuscacoin acanima. Afocai Diospan yoracoinfoma. Ascafiashucai Israelifocoinma. Nocon fuyamisi cuscara furonanfacu rama caian non foshqui rupa shatumisi. Ascan tapitirofo nanfo Israelicoin. Ascafia noco yononi cuscan non ato foshqui rupa shatufiacai ahuun tsain icoinra huafomacai Diospan yora itirofoma.

Romanos 3:25

Ahua chacacai Upa Dios fu itiroma. Ascan Furun nichini nococairocon onaintimatama Furun onaintimani nocohuunoashu nashon nocon chaca soashonon. Ascan ahuun imi foyanan noco nashoni non icoinra huaiton Upa Diosin noco onaintimaima. Ascan Furunmun noco nashoantaima iyopaonifoanri chaca huapaonifo cuscan. Tapiyonifo chipo Furun atohuunoashuri nashquiai. Ascano icoinra huafoan aton chaca iconquin Furunhuunshon soashotiro afori afu ipanonfo.

Romanos 3:30

Upa Diosin noco nanscarasi huai. Nocon caifo yafi nocon caifomari Jesús icoinra huaiton nocon chaca noco soashotiro afanan noco chacahuunoa shinanonma.

Gálatas 3:28

Upa Diosin Cristohuunshon nantifi manifoti anoafo noco nanscarafosi oin. Uhuun caifo Israelifo yafi Israelifoma non yonomatifo yafi yonomatimafori non nocofunu yafi ainfofori nanscarafosi noco oin. Jesucristo noco Ifo icaino non ahuunoashu yora fusti cuscara itiro. Ascan nantifi icoinra huafotifin non ahuun yorafo.

Gálatas 6:12

Futsafoan mato yosipaicani. Nanfoan mato isca huamisifo, —Man foshqui rupa shatuyamashu Diosin yononi cuscan man aimaran, —ishon mato yoimisifo. Nanfoancai yoipaicanima, —Jesucristo ihui coyan iquinanqui mastanifo noco nashonon. Nan fusti non yopairan, —ishoncai yoipaicanima. Ascashon shinanquin isca huacani, —Non yoiquin Jesús fustiton nocon chaca soashotiro. Ascan noncai ahua futsa yopaimaran, —ishon. Non yoiaiton noco omitsiscamatiro. —Ascacucai non anori yoima noco omitsisca huanonfoma, —ishon yoimisifo.

Efesios 2:11

Ascan mancai Israelifoma. Uhuun caifoan matohuunoa yoimisifo isca huaquin, —Nafocai nocon caifoma. Nonfin Diospan yorafoquin. Nanfocai Diospan yorafoma. Diosin noco yononi cuscan nantifi furonanfacufo foshqui rupa shatupacunon ishon. Diosin noco yononi cuscan non aiton tapinonfo non Diospan yoracun. Caifo futsafocai foshqui rupa shatupacuafoma. Ascan non tapitiro afocai Diospan yoramaran, —ishon uhuun caifo Israelifoan yoimisifo. Ascan man Jesús icoinra huataima man ipaoni cuscan ointiaquimayamacahuun.

Filipenses 3:3

Asca non foshqui rupa shatuahuunshocai nocon chaca non soatiroma. Jesucristo noco nashoni nocon chaca soashoshquin. Arus fustifin nocon chaca soashotiroquin. Nan Furuhuunshori Diosin noco ahuun facufo imatiro. Ahuun Yoshin Sharahuunshon non Dios yoitiro isca huaquin, —Non mia fasi noi. Min sharacoinran, —ishon non yoitiro. Jesucristo noco nashoni nocon chaca soashoshquin. Ascacun non aqui unimacoinni. Arus fusti noco numatiro. Man non tapia non foshqui rupa shatuahuunshocai noco ahuusca huatiroma.