Génesis 15:1 - Sharanahua: Diospan Tsain

¹ Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 15:1 ပူးပေါင်းရင်းမြစ်များ

Génesis 15:2

Abram cumani, —Uhuun Ifon, min nantifi iquina. Ascafia unfin facuomaquin. Ascan ahuara mian inanfiaquicai mian facu inanmisima. Ascacun nan un naitian uhuun facucoin inan huaquin uhuun yonomati Eliezer un ahuara inantiro ahuuna inon. Mian ahuarafo inantirofiacai afocai uhuuna ahuamaran, —ishon yoiaiton.

Génesis 15:4

Afanan Ifo Diosin yoini, —Min naitiancai aya cuscan min yonomatinin fima. Min facucoin chipo nantifi min aya cuscan ahuunari ishquiran, —ishon yoini.

Génesis 21:17

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica.

Génesis 22:1

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Génesis 22:20

Asca oshu ranan finoano futsan Abraham yoini, —Min facahuan Milca natian facufoya. Min ushto Nacor ahuun facufo.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 31:7

Ua parafafainni. Uhuun yono ua shucapacufoanna. Ascafia Upa Diosin ua cushushara maton upa ua ahuusca huanonma. Ascatamarocon ua yoini min yonoa rafanan mun mia chashoan cunuyafo inainran ua huani. Ascan Diosin yononi nantifi chashoanfo ato facu cunuyafo. Chipo ua yoini min yonoa rafanan un mia ina raonyafo inainran ishon ua yoini. Ascan Diosin yononi nantifi chashoanfo ato facu raonyafo.

2 Samuel 22:3

Min uhuun Diosin min uhuun toquirininhuan cuscaran. Toquiri uhuapacai tsoan shucatiroma. Nanscarifi ai min u fu icanocai tsoan mia shucatiroma uqui nocoshon ua chaca huashquin. Min uhuun cuno sapaqui pia iquitiroma cuscaran. Ascan minhuunshon ua chaca huapaifiacaquicai tsoan ua chaca huatiroma. Min ua numai min curushhuunoashu un isharanon. Cunu cuyacoin tarati huashu tsoa pushu rasi muran iquitiroma yorafo chaca huashquin. Nanscarifi ai min uhuun cunu cuyacoin cuscaran. Ascacun tsoan ua ahuusca huatiroma. Min ua numamisi. Yora pofufoan ua fasi chaca huaiton min ua numa ua ahuusca huanonfoma.

Salmos 27:1

Uhuun Ifo Diosifin uhuun faro cuscaraquin. Uhuun chaca ua soashona un a fu nipanon. Uhuun Ifoanfin ua cushusharaquin un futsafoqui ratutiroma. Uhuun Ifoanfin ua numapacunacaquin. Uncai tsoaquin musutiroma.

Salmos 91:4

Tacaranun ahuun facufo ahuun putao nonanmanri cushua cuscan nocori nocon Ifoan cushua ahua chaca nocoqui nocononma. Non afu rafuashucai non ahuara chacaquin ratuima. Nococai raqui potayamafain noco cushua ahuara chacacai nocoqui nocotiroma noco chaca huamashquin.

Éxodo 14:13

Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Mateo 28:5

Ascaiton Diospan oinmatinin afu nai muran icaton María rafu yoini, —Ratuyamacahuun. Mun tapia man Jesús funai yoa. Jesús man mastafiaitafo natian nunoma. Mato yoimisi cuscan man funia. Oin fucapon quini muran. Nan racaitano.

Mateo 8:26

Ascaino moinacahuan noco yoini —¿Ahuuscai man ratuain? Man ua icoinra huasharashucai man ratucuanama, —ishon noco yoini. Ascatan fuuhuan yafi ian fuchomanhuan yoiqui isca huani, —Fuun nishmahuu, —huafain, —Fuchomanhuan nishmahuu —huaino fuu yafi ian fuchoai nishmafaini. Asacatan ianmanhuan pusiquima racani.

Lucas 1:13

Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.

Lucas 1:30

Ascaiton afanan cumani, —Maria, ratuyamahuu. Diosin mihuun noifain miqui unimasharai.

Lucas 12:32

Ascano uhuun yorafoan ratuyamacahuun. Maton Upa Diosin mato cushushara. Nantifi ahuuna matori inain. Unimacai mato inanshquin.

Hechos 10:22

—Nocon niaifo ranushumuaton noco nichian non mia ihuunon. Nanton nocofunu shara. Diosquiri shinanfafaimisi. Cornelio nocofunu shararan min caifo Israelifoan huamisifo. Diospan oinmati sharapan afu nai muran icaton yonoa, “Pedro min pushu ano ihuitahuun mia yoisharanon,” ishon yoitan. Ascan “Ua ihuishotacahuun,” noco huaiton. Non mia ihui oaquin —huanifo.

1 Corintios 3:22

Un non Apolos non Pedro nonfin Jesushuunoashu ahuun oinmatifoquin ahuun tsain non mato yosishquin man nicoinsharanon. Naashu man afu ipanon. Nantifi ahuunafin matonariquin. Ahuara icai cuscan afohuunshon Diosin mato shara huashoi. Nan chipo icaifori mato shara huashoi. Nantifi Diosin onihuani cuscan mato shara huashoshquin.

Deuteronomio 31:6

Nocon Ifo Diosin mato fu cai matocai potapacunacama mato fu icacainshquin. Ascano nocon Ifo Diosin ahuun curushhuunshon mato amapaiyai cusca huafafaincahuun. “Nocon Ifo Diosin noco yonoa cusca non huatiroran,” ishon shinancahuun. Nan caifo futsafoqui musuyamacain atoqui ratui taritariyamacahuun, —ishon Moisés ato yoini.

Hebreos 1:1

Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.

Apocalipsis 1:17

Nan ointani un ananman pacua nan naa shinantsai. Ascaiton ahuun mucu mumihuurishon manmainyanan ua yoiquin isca huaa, —Ratuyamahuu. Ahuara oniataima un iyopaoni. Nanscarifiai un ipanaca. Uncai unupacunacama.

1 Samuel 15:10

Asca huashon nocon Ifo Diosin Samuel yoini isca huaquin,

1 Samuel 9:9

(Nan Israelifo ipaonifotian ahuara futsa nocon Ifo Diosin yocapaonifo nantian yoinifo isca huaquin, —Non canon. Non Diosihuunshon inonpacoai yoimisi oincanon, —ishon yoinifo. Ascacun natian afanan Diosihuunshon inonpacoai yoimisi non anutamaroco nan Diosin tsain yoimisiran non huatiro.)