Génesis 14:21 - Sharanahua: Diospan Tsain

²¹ Ascano nan Sodoma anoa niaifoan arifi Abram yoiquin isca huani, —Uhuun yorafo min ato numa. Ascacun nan uhuun yorafo fusti ua inanhuun. Uhuun pushu rasi anoa ahuara fiafo cuscan nantifi mina itiro. Un mia inanon, —ishon Sodoma anoa niaifoan Abram yoiaiton.

Génesis 14:21 ပူးပေါင်းရင်းမြစ်များ

Génesis 14:10

Nan Sidim mai mispa ano tsoan quini huanima nanscara Dios oni huani quini muran shuni cuscara fisopa ofu chacacoin ini. Ascano nan Sodoma futan Gomorra anoafoan aton niaifofoan ranushumuafo ichoaino atirifi nan quini muran pacui futsunifo. Atirifi machi ano ichoaifoanno.

Génesis 14:11

Ascano nan rafu non rafuri niaifofoan aton ranushumuafo yononi nantifi Sodoma anoafo yafi Gomorra anoafoan aton mafofo yafi aton tushufo ato fianonfo.

Génesis 14:22

—Ma. Un min ahuarafo fitiroma. Diosin nantifi mai anoafo oni huafain nai murannoafori oni huani. Ascan mina mian inanshon min yoitiro isca huaquin, “Un Abram inan cuscahuunoashu ahuara fasi ichapayaran,” ishon min yoitiro. Uncai mia ahuashta fiantiroma. Nannorifi un nocon Ifo Diosi yoiaquin. Uncai mina ahuara fipaima.

Génesis 47:24

Nan man veinte trigo cuscara fiqui Faraón cuatro man inantiro. Veinte cinco fiqui Faraón man cinco inantiro, Cinco fiqui Faraón fusti man inantiro. Nansca huapacuquin man cuyotiro. Nan tushua matona itiro, Ascan mato facufoyashon man pitiroran, —ishon José ato yoini.