Génesis 14:19 - Sharanahua: Diospan Tsain

^19-20 Asca huatan Melquisedec Abram yoiquin isca huani, —Nocon Diosin nantifi finoncoian. Nanton nantifi onihuani. Nantifi mai anoa oni huafain nai murannoafori oni huani. Abram, Diosin mia shara huanon. Upa Diosin nantifi finoncoian fasi sharacoin. Ahuunshon nan mia noicasmafo min ato finonfain ato min achiaran, —ishon Melquisedec Abram yoini. Ascaiton Abram nantifi aya cuscan fusti rasi Melquisedec inanpacuni.

Génesis 14:19 ပူးပေါင်းရင်းမြစ်များ

Génesis 14:22

—Ma. Un min ahuarafo fitiroma. Diosin nantifi mai anoafo oni huafain nai murannoafori oni huani. Ascan mina mian inanshon min yoitiro isca huaquin, “Un Abram inan cuscahuunoashu ahuara fasi ichapayaran,” ishon min yoitiro. Uncai mia ahuashta fiantiroma. Nannorifi un nocon Ifo Diosi yoiaquin. Uncai mina ahuara fipaima.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 27:4

Ascan rutushon un fuchipaiyai cuscan ua pichashohuun ua pimashquin. Min ua asca huaino un nataima un mia inon pacoai cuscan ahuu cuscara sharamain min ashquicai un mia tapimanon, —ishon ahuun facu iyoa yoini.

Génesis 47:10

Ascano Jacob Faraón yoini, —Mia Upa Diosin shara huashoinran, —ishon yoitan amaquinoashu cani.

Génesis 47:7

Ascatan José ahuun apa Faraonqui iyoni. Ascan Jacob Faraón yoini, —Uhuun Upa Diosin mia shara huairan, —ishon yoini.

Génesis 49:28

Nan doce Israel ahuun facufo. Nannori ato yoipacuni. Chipo aton funafo doce mani futsafo icafo ini.

Mateo 11:25

Ascano ato yoiqui asca huatan Jesús apa cufini, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapiamafiashon un ato isma cuscan un ato yoiai cuscan ua icoinra huafo. Nanfofin min ato tapimanaquin.

Marcos 10:16

Ato yoiquin facufo shatsaomushon manmanpacuquin, —Upa Diosin, na facumishti shara huahuu, —ato huapani.

Lucas 10:21

Ascano ato yoiqui anaititan Diosin Yoshin Sharahuunoashu unimacoinquin Apa Dios yoiquin isca huani, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapisharafoma nan facu cuscarafoqui. Ascashon nanfoan un ato isma cuscan yafi un ato yoiai cuscan ua icoinra huafo. Nanfofin min ato tapimanaquin. Icon, Upan, minfin nanscara fuchipaiquin, —ishon apa yoini.

Hechos 16:17

Nanton Pablo yafi noco mufoquin oi ashcafinin yoifoni, —Nan nocofunufofin nan Diosin nantifi finoanton ahuun oinmatifo. Ahuunscashumain non Dios fu ipatiroquin noco yoi fuaforan, —ishon yoini.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Efesios 1:6

Diosin Furunhuun noicoincain nocohuunrifi ramapai. Ascashon noco nimasharapacunaca. Ahua futsahuunoashucai nocohuun ramapaima. Aficoin nocohuun ramapai. Ascacufi, —Upan Diosin min sharacoinran, —non huaicai.

1 Samuel 15:13

Nannori nicatan Saúl icano Samuel cani. Aqui nocoaiton Saúl yoini isca huaquin, —Nocon Ifo Diosin mia shara huanon. Nocon Ifon ua yonoa cuscan mun huaaran, —ishon yoiaiton.