Génesis 14:18 - Sharanahua: Diospan Tsain

¹⁸ Nantiari niaifo futsan ahuun anu Melquisedec Abramqui noconi. Nan Melquisedec Salem pushu rasi anoafoan aton niaifo ini. Ascan Diosifin nantifi mai anoafo yafi nai murannoafori finoncoianquin. Nan Melquisedec yorafohuunshon Diosi cufinmisi ipaoni. Nanton misi yafi fimi ahuun anu uva Abram fushoni.

Génesis 14:18 ပူးပေါင်းရင်းမြစ်များ

Salmos 57:2

Min nantifi finoncoian. Ascan un mia cunai mian nicanon. Mian amapaiyai cuscan min ua huamatiro.

Daniel 4:31

Nannori yoitapaiyaino samamashta nai murannoa tsain nicaquin isca huani, —Niaifon Nabucodonosor, ua nicasharahuu. Min afanan nunoa niaifoma. Mincai afanan nunoa tsoa yonotiroma.

Hechos 16:17

Nanton Pablo yafi noco mufoquin oi ashcafinin yoifoni, —Nan nocofunufofin nan Diosin nantifi finoanton ahuun oinmatifo. Ahuunscashumain non Dios fu ipatiroquin noco yoi fuaforan, —ishon yoini.

Hechos 7:48

Ascanfiacai Diosin yora pushu huaa muran itiroma. Diosin nai muran icanoshon nantifi finoncoian. Diosihuunshon nocon shunin inonpacoai cuscan yoini isca huaquin.

Gálatas 6:10

Ascan ahuuscaraifoan oinquin nantifi shara huafafaincahuun. Finonmafain Jesús icoinra huafo shara huafafaincahuun.

Hebreos 5:10

Ascano Upa Diosin Furun Jesús catonshon yoiquin isca huani, —Minfin nan Melquisedec cuscara iquicai. Ascashon yorafohuunoa ua cufimisi niaifocoin min ipatiro ato numashqui. Ascashon nantifi yorafohuunoa ua yoimisifo min ato finoncoianran, —ishon Apa Diosin yoini.

Hebreos 5:6

Ascashon afanan yoiquin isca huani, “Minfin nan niaifo Melquisedec cuscaraquin. Nantofin yorafohuunshon ua yoimisi ipaoni. Ascan mirifi min nanscasi apanacaran,” ishon Apa Diosin furun Jesús yoini.

Hebreos 6:20

Jesús taui Apa Dios ari cani. Nannoshon nocohuunoa apa cufishofafaini noco numanon. Ascan Jesusfin nan Melquisedec cuscara noco Dios cufishomisi niaifo ipanacaquin.

Hebreos 7:1

Ascatarifi natian un Melquisedechuunoa mato yoinon. Nanfin Salem pushurasi anoafoan aton niaifo iniquin. Nanrifi nantifi yorafohuunshon Dios cufimisi futsafo finoncoian ini. Nanfin Abrahamqui noconiquin. Nan mucu fustiti niaifofo yomutso chacafo ato ichoshon ahuun piaca mafofo yafi futsafoan mafoforifi afanan ato fishotani Abraham oaino nan Melquisedec Abrahamqui fai pochinin noconi ahuun pushu ano naso curani oaino. Ascashon isca huaquin yoisharani, —Abraham, Diosin mia shara huairan, —ishon yoini.