Génesis 14:13 - Sharanahua: Diospan Tsain

¹³ Ato asca huaifoanno nocofunu fusticoin ichocaini. Abram nan Hebreoqui chanicai. Nantiari Abram Mamre pushu chaima ica ini. Nanno nii uhuapa ichapacoin. Mamre ahuun caifori Amorreofo ini. A fu nanua rafu Escol yafi Aner. Abram ahuara yopai cuscan nan rafu non fustiton samamashta a futan ahuara huamisifo.

Génesis 14:13 ပူးပေါင်းရင်းမြစ်များ

Génesis 10:16

Ascashon Canaán ahuun funafo anuni Jebuseofo non Amorreofo non Gergeseofo non

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

Génesis 14:24

Nan uhuun yorafo tres cientos dieciochofain pii fuaifo fusti un fitiro. Atirifi un fia cuscan un uhuun yorahuanfo Aner yafi Escol non Mamre inain. Nanfoan u futan nocon yorafo numaran, —ishon Abram yoini.

Génesis 18:1

Ascano nan ihui uhuapafo Mamre naman Abraham tsaoa ini. Ahuun pano pushu caincaiti ano tsaoni. Fari masafinin racano fasi niscacoin nanno tsaoa ini. Ascan nantia nocon Ifo Diosin Abraham oinmariscatani.

Génesis 21:24

Nannori huaiton nicain, —Ai. Min ua yoia cuscan un nannoricoin min non min facufo non min funafori un mato paranpacunacama. Un non uhuun yorafoanri mato shara huapacunacaran, —ishon Abraham yoini.

Génesis 21:27

Ascan Abraham chashoanfo non moifori Abimelec funi inanshquin. Asca huaino Abimelec tapitiro man rama yoinonan shara cuscan Abraham ointiaquimapacunacama.

Génesis 21:32

Ascan yoinainsharatan Abimelec yafi ahuun ranushumuafo aton niaifo Ficol Filisteofo icano naso furanifo.

Génesis 40:15

Hebreofo mai anoshon ua curushcai nuno ihuunifo. Uncai nunoshon ahua chaca huamafinquin ua cunu muran iquimapanan, —ishon yoini.

Génesis 41:12

No fu cunu muran iquia pushco Hebreo. Ranushumua niaifo ahuun yonomati. Nocon namapanhuunoa non yoia. Non namaquin rafu hua cuscan noco tapimana.

Génesis 43:32

José tiri futsa pimafain ahuun yorafori acamaquishon piti futsa ato pimani. Egipciofori tiri futsari ato pimani. Nan Egipciofoan Hebreofo futan pitirofoma ini. —Non nafo futan piashu fasi chaca itiroran, —ishon Egipciofoan nannori shinannifo.

Éxodo 2:11

Ascano nan Moisés pushcoaitian ahuun caifo oincai cani. Ascatan nocoshon oian Egipciofoan ahuun caifo Hebreofo fasi curushcain ato yonomani. Ascano ato ano nocoshon oian Egipcio nocofunun ahuun caifo sutuaiton oinquin.

Éxodo 2:6

Ascatan shihuati fupuacufoanquin facu uaiquin ian ian icaiton fuchini. Fuchiashu fasi ahuun ramapaicoinni. Ascashon yoini isca huaquin, —Naafin Hebreo facushtaquin. Un shinanracafin Hebreo ahuanfoan ahuun facu onuaquin tsoan fuchinonma, —ishon Faraón facu shomayaton nannori yoini.

Éxodo 3:18

Min caifo Israelifoan aton niaifofoan mia nicatirofo. Nan mia nicaifoanno ato fu nan Egipciofo aton niaifocoin ano man catiro uhuun tsain yoishquin. Yoiquin isca huahuu, “Nonfin Hebreofoquin. Nocon Ifo Diosin no fu ica. Ascacun noco nichipun non nunoashu osha rafu non fusti non tsoa istaipama ano catanon. Nannoshon nocon Ifo Diosin non inafo rutushon non ahuun tsain nicayanan non ismasharanon,” ishon nannori yoitacahuun.

Números 13:23

Ascano Israelifo focani machi rafu nushmancayan ahuun anu Escol ano noconifo. Nannoshon nan fimi uva ahuun poyan poshtunifo ahuun fimifo tushca fasi uhuapacoin yora rafutan ihuiquin iyashon aton mai ari fonifo. Nantianri fimi futsafori fonifo. Futsan ahuun anu granada futsari ahuun anu higos.

2 Corintios 11:22

¿Nanfoan yoiafomun, —Non Hebreo sharafo, —ishon? Unrifi un Hebreoquin. ¿Nanfosimun Israelifo? Urifi un Israeliquin. ¿Nanfosimun Abraham ahuun funafo? Urifi un ahuun funaquin.

Filipenses 2:5

Ascashon nocon Ifon Jesucristo shinain cuscan marifi nannori shinancahuun.

1 Samuel 4:12

Ascano nan nocofunun Israeli mani futsa Benjamín ahuun funa nan rutunainfoannoashu ichoni. Ascashu Silo ano noconi. Nocoaiton oiainfono ahuun sahuuti fashnu fashnu ani mai mapori ahuun mapo camaqui masaica ini.