Génesis 14:10 - Sharanahua: Diospan Tsain

¹⁰ Nan Sidim mai mispa ano tsoan quini huanima nanscara Dios oni huani quini muran shuni cuscara fisopa ofu chacacoin ini. Ascano nan Sodoma futan Gomorra anoafoan aton niaifofoan ranushumuafo ichoaino atirifi nan quini muran pacui futsunifo. Atirifi machi ano ichoaifoanno.

Génesis 14:10 ပူးပေါင်းရင်းမြစ်များ

Génesis 11:3

Ascano shafan futsa afo ranan yoinannifo isca huaquin, —Non mai ladrillo huanon. Ascashon mai oiti muran non miintiro muto sharafo inon, —icashu yoinannifo. Ascasho nan toquirifo atamarocon mai mutocoin yafi foi osinifo.

Génesis 14:11

Ascano nan rafu non rafuri niaifofoan aton ranushumuafo yononi nantifi Sodoma anoafo yafi Gomorra anoafoan aton mafofo yafi aton tushufo ato fianonfo.

Génesis 14:17

Ascan nan niaifo Quedorlaomer yafi ahuun ranushumuafo non niaifo futsafo aton ranushumuafori Abram ahuun yorafo trescientos dieciocho nocofunufoan ato rutuqui finoncoinni. Ascaino niaifo futsafoan ahuun ranushumuafo ichoaiton Abram ahuun yorafoan mufainifo. Ascashu Abram nasoaino Sodoma anoa niaifocoin mai mispa Save ano aqui noconi. Nan Save mai mispa ahuun anu futsa Niaifoan ahuun mai misparan ishon anunifo.

Génesis 14:21

Ascano nan Sodoma anoa niaifoan arifi Abram yoiquin isca huani, —Uhuun yorafo min ato numa. Ascacun nan uhuun yorafo fusti ua inanhuun. Uhuun pushu rasi anoa ahuara fiafo cuscan nantifi mina itiro. Un mia inanon, —ishon Sodoma anoa niaifoan Abram yoiaiton.

Génesis 14:3

Ascan nan mucu fustiti niaifofoan aton ranushumuafo Sidim mai mispa ano ato ichanan huanifo anoshon ato rutushcaquin. Ascan nan Sidim ahuun anu futsa Unuhuan Saocoin ini.

Génesis 19:17

Ascashu pushu rasi anoashu chaimashta fonifo. Ascashon Diospan oinmati futsan afanan ato yoini, —Ichoriscatahuun naashcaquima. Ifiacuyamacahuun. Machi nushmancayan rafu ano nituhuayamacahuun. Man machifo ano ichoyamaiton man nai cuyoshquin, —ishon ato yoiaiton.

Génesis 19:30

Ascashu chipo Lot Zoar anoafoqui ratuquin ainfacu rafu ya machi pochinin ichonifo. Nanno mahua quini muran ipaonifo.