Génesis 13:13 - Sharanahua: Diospan Tsain

¹³ Nan Sodoma anoa nocofunufoan fasi chacacoin huapaonifo. Nanfoan nocon Ifo Diosi nicacasmafain chacasi huapaonifo.

Génesis 13:13 ပူးပေါင်းရင်းမြစ်များ

Génesis 10:9

Ascashu nanrifi Ifo Dioshuunoashu fasi nimisi sharacoin ipaoni. Ascacun naanfin nimisi sharacoinran ishon yoipaonifoquin isca huaquin, —Nanfin Nimrod cuscarariquin. Dioshuunoashu fasi nimisi sharacoinran, —ishon yoipaonifo.

Génesis 15:16

Min facufo yafi min shotafo ahuun facufori nuno mai ano nasoshquicani. Mai futsa anoashu fuushcani min nuno icano nan min funafoan ahuun mairi nuno iishquin. Ascano nantia nan Amorreofo fasi chacafo nuno min mai ano iishcani. Ascacun min funafohuunshon nan Amorreofo un ato onaintimashquiran, —ishon nocon Ifo Diosin Abram yoini.

Génesis 18:20

Nannori shinanquin nocon Ifoan Abraham yoini, —Munfin oianquin nan yorafo Sodoma anoafo yafi Gomorra ano icafoan fasi chacacoin huafafaincani.

Génesis 19:13

Non samamashta Sodoma yafi Gomorra cuyoicain. Diosin nai muranshon oian nunoa nantifi yorafoan chacacoin huamisifo. Ascacun noco nichian non ato nantifi cuyonon, —ishon yoiaifoan.

Génesis 38:7

Ascafia nocon Ifon Diosin oinni Er chaca huafafainaiton oinpaiquima Diosin namani.

Génesis 39:9

Na mato pushu anocai ua tsoan finoanma. Ufin nantifi yonoaquin. Min fununcai ua ahuashta fishcoama. Mia fustifin min funun fiaquin. ¿Ahuuscaquimun un chaca huatioquin Diosi chaca huafain min funuri un chaca huatiroquin? —ishon yoini.

Génesis 6:11

Diosin oinni nantifi yorafoan chacasi huafafainnaifoan. Fasi pofucain ahuara chaca ichapa huaifoan sutunancain rutumitsamisi ichapa inifo.

Mateo 9:10

Ascashon Jesús uhuun pushu muranshon un pimani. Yorafori no fu cani. Niaifo pui fishomisi futsafo non icoinra huamafo futsafoan atohuunoa shinanchacamisifo yafi non afu rafuafori cani. Ascashon nanfoan no futan piinifo.

Juan 9:24

Ascano afanan a nocofunu fusho ipaoni yoimashon yoini, —Yoihuu. “Diosin ua cayahuaran,” ihuu. Jesuscaicon sharacufin. Chacafinquin. “Diosinfin sharaquin,” huahuu. “Jesús shararan,” huayamahuu. Non tapiafin Jesús chacaquin, —huaifoan.

Juan 9:31

Non tapiafin yoran chaca huamisicai Diospan nicapaitiroma. Ratoran Diosin tanasharafain yoia cuscan aitonfin nanscarafo Diosin nicatiroquin.

Romanos 1:27

Nanscarifiai nocofunufo ainfo tanatama afi ranan iquinanpaicani. Ascashu chaca huantanancatan aton nomuran aton cayari omitsisca huapaonifo.

Hebreos 4:13

Nantifi onihuani Upa Diosin onancoian. Tsoancai otayamafain tsoanricai fomantiroma. Nantifi non amisi cuscan huafain non shinanmisi cuscamain Diosin onancoiaiton. Ascan chipo ahuun ointaifi non aqui nocoaitian nantifi non amisi cuscan huafain non shinanmisi cuscan noco puashopacushquin.

2 Pedro 2:10

Nan aton nomuran shinanchacamisifoan ahuara chaca fusti huapaiyaifo cuscan huamisifo. Nanfoan noco Ifo Cristo nicacasmamisifo. Ascan nan cuscara yorafo Diosin ato onaintimaquin finacoinshquin. Nan cacapaimisifoan shinanquin isca huamisifo, —Tsoancai noco yonotiroma, —ishon shinanfafaimisifo. Diospan nai oinmati sharafori roafiaicai tsoa musutirofoma.

Judas 1:7

Diospan oinmati a fu nai muran icafoan chaca huapaonifo cuscari Sodoma yafi Gomorra chaimashon nanscara chaca huapaonifo. Nocofunufoan aton ahuinma chotaifoanno. Ainfofoanri aton funumafo chotamapaonifo. Nocofunufori afi ranan chotananpaiyaifoanno ainfon tanatama. Ascacani chacanisi tapipaonifo. Ascacun atohuunshon non tapitiro nan chaca huamisifo omitsiscapanacafo muran focani. Nanhuunoari ointiaquimayamacahuun.

1 Samuel 15:18

Ascan nocon Ifo Diosin mia yonoa isca huaquin, “Nan Amalecitafo fasi chacacoinfoquin. Ato rutuqui futsahuun. Min ranushumuafo yonohuun nantifi Amalecitafo rutucahuun. Ato nantifi rutuqui cuyocahuun,” ishon mia yonoa.

1 Samuel 2:17

Aton Ifo Diosin yononi cuscan futsafoan aton ina Diosi inanpaiyai cuscan nan Elí furu rafutan shinannifo acai ahuama. Ascacun Elí furu rafutan apaonifo cuscan nocon Ifo Diosin oinni fasi chaca huaifoan.