Génesis 12:3 - Sharanahua: Diospan Tsain

³ Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 12:3 ပူးပေါင်းရင်းမြစ်များ

Génesis 18:18

Chipo Abrahamhuunoashu ahuun funafo caifo ichapa icain mutsisipacoinfo iishquicani. Ascano ahuunshori un nantifi manifoti shara huashquin.

Génesis 18:19

Un Abraham catonni ahuun facufo yafi ahuun funafori ua tanasharashu cayacafi shara shinanonfo. Ascaifoanno un Abraham yoiyotiani cuscan un ashotiroran, —ishon nocon Ifo Diosin yoini.

Génesis 22:18

Min ua nicacoian. Ascan min funafohuunshon un nantifi manifotifo shara huashquiran,” —ishon Diosin Abraham yoini.

Génesis 24:35

Uhuun ifo Abraham nocon Ifo Diosin fasi shara hua. Ascan natian ahua yopaima. Diosin chashoanfo inanfain moifo inanfain cuno facafacaitsa inanfain oro inanfain nocofunu oinmatifo inanfain camellofo inanfain burrofo inan.

Génesis 25:11

Man Abraham naano chipo Diosin Isaac shara huani. Isaac pozon ano iyopaoni. Unu chitun anuni —Nan niaton unu ayaquin ua oinran, —ishon yoimisi.

Génesis 26:29

Ascan non mato chaca huamisima cuscan marifi noco chaca huayamacahuun. Non mato shara huapaoni noco anoshon mato nichi sharani. Ascan natiari maton Ifon Diosin mia shara huamisiran, —ishon yoiaifoan.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 27:29

Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

Génesis 28:14

Nannoashu min funafo fasi ichaparasi caicani. Mai furo non tanan huatiroma cuscan min funafori chipo tsoa tanan huatiroma. Fari oaiquiri yafi fari caiquiri nantio maifoti min funafo iishquicani. Atohuunshon nan manifoanati un shara huashquin.

Génesis 30:27

Ascaiton Labán cumani, —Raisin, u fu nitupun. Shoiti cuscara ua tapimana minhuunshon Diosin ua shara huai.

Génesis 30:30

Un miqui nocoquin oian min ahua ichapaya inima. Natian uhuunoashu min ichapaya. Uhuunshon Diosin mia shara huamisi. ¿Ahuutia uhuunacoin un yonoqui tau huaimun? —ishon yocaiton.

Génesis 39:5

Potifar José niaifo huatian nocon Ifo Diosin Potifar ahuun pushu ano shara huani. Ahuun pushu muran yafi ahuun mauri nanfoya Joséhuunshon nantifi shara huani.

Mateo 25:40

Ascaifoan un aton niaifoan un ato yoiqui isca huashquin, “Uhuun yorafo nan ua icoinra huafo futsafoan atohuunoa yoiqui isca huamisi ‘Nancai ahuamaran,’ ishon man yoimisi. Asca nan uhuun yora ahuamafiashu man ato shara huamisi cuscafin nan uari shara huai cafisca man ato huamisiquin,” ishon un ato yoishquin.

Mateo 25:45

Ascaiton un ato cumaquin isca huashquin, “Un mato icon yoinon. Nan ua icoinra hua futsafo man yoimisi isca huaquin, ‘Nancai ahuamaran,’ ishon atohuunoa man yoimisi. Ato asca huaquifin nan ua shara huaima cafisca man huamisiquin,” ishon un ato yoishquin.

Lucas 24:27

Ascacun tau huaquin ahuunoa Moisés cununi cuscan yoifain Diosin tsain yoimisifoanri ahuunoa cununifo yoifain nantifi Diosin tsain ahuunoa cununi cuscan atofu cafoquin shafacafi ato yoifoni.

Romanos 4:11

Abraham foshqui rupa shatuataima Upa Dios icoinra huaqui tau huani. Ascacun ahuun chaca soashoni a cuscara shara inon. Ascaino chipo fari ranan finoanno Upa Diosin Abraham yononi, —Min non min yorafori foshqui rupa shatucahuun. Nan foshqui rupa shatushonfin min shinantiro isca huaquin, “Icon Upa Dios un icoinra huacun uhuun chaca ua soashona ua shara huapanaca Upan Diosin ua yoiyoniran,” —ishon Diosin Abraham shinanmani. Ascacufin tsoafo foshqui rupa shatuataima Dios icoinra huashu Abraham ahuun upa cuscara itiro. Afin foshqui rupa shatuataima Upa Dios icoinra huaquin tau huani. Ascacun ahuun chaca soashoni a cuscara shara inon.

1 Corintios 1:30

Dioshuunoashu Jesucristo ahuun yorafo man inon. Cristohuunshon noco cayacafi tapimafain ahuun ointi cuscara noco imashquin noco nashoni nocon chaca soashoshquin non afu nipanon.

Gálatas 3:28

Upa Diosin Cristohuunshon nantifi manifoti anoafo noco nanscarafosi oin. Uhuun caifo Israelifo yafi Israelifoma non yonomatifo yafi yonomatimafori non nocofunu yafi ainfofori nanscarafosi noco oin. Jesucristo noco Ifo icaino non ahuunoashu yora fusti cuscara itiro. Ascan nantifi icoinra huafotifin non ahuun yorafo.

Gálatas 3:8

Upa Diosin inonpacoai cuscan tapiyoni nocon caifomafoanrifi Dios icoinra huaifoan aton chaca soashofain ato imasharashquin. Ascaifoanno atoqui fasi unimacoinni. Diosin Abraham yoiyoni isca huaquin, —Un minhuunshon manifoti un ato shara huashquiran, —ishon Diosin tsain cununi.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Colosenses 3:11

Non Cristo ifoacun Diosin nantifi nanscarasi huaquin noco oin. Israelifo yafi Israelifoma cunu tapiafo yafi cunu tapiamafori onicoinfo yafi nahuafo non yonomatifo yafi yonomatifomari Diosin nanscarafosi noco oin. Nantifi non Jesucristo ahuun yorafocun. Nan fusti non yopai.

Apocalipsis 7:9

Ascatan Upa Diosin yafi Furun nan chashoanun facu cahuanshara cuscara tsaoano yorahuanrasi niafo tsoancai ato tanan huatiroma. Nan maifoti anoafo manifotifain sahuuti oshopa chainipa sahuucashon upu tsomafo.