Génesis 12:18 - Sharanahua: Diospan Tsain

¹⁸ Ascacun Faraón ahuun pushu muran Abram yoimani yocaquin isca huashquin, —¿Ahuuscai mian chaca huamun? ¿Ahuuscai mian tapimanamamun Sarai min ahuinfiacun?

Génesis 12:18 ပူးပေါင်းရင်းမြစ်များ

Génesis 12:19

Mian yoia, “Uhuun chicoran,” mian huaiton. Nicaqui un mia min ahuin fian uhuun ahuin inon. Ascafia naquian min ahuin. Iyotahuun. Nunoashu fotoriscahuu, —ishon Faraón Abram yoini.

Génesis 20:3

Ascafia Abimelec yamu oshashon ahuun namapan Diosin aqui nocoshon yoiquin isca huani, —Natian min natiro min Sara fiashu. Aafin nan nocofunu futsan ahuun ahuinquin, —ishon yoini.

Génesis 29:25

Ascan iyoconaino Jacob moiquin oian Raquel fu oshatamarocon Lea fu ica ini. Ointan Labán ano cashon yoini, —¿Ahuuscai mian asca huamun? Unfin mia yonoshonaquin Raquel fiishquin. ¿Ahuuscai mian paranmun? —ishon yocaiton.

Génesis 3:13

Ascaiton nocon Ifo Diosin ainfo yoiquin isca huani, —¿Ahuuscaquimun min piaquin? —huaiton. —Nan ronon ua paraitofin un acaquin, —huani.

Génesis 31:26

Ascano aqui sinaquin Labán Jacob yoini, —¿Ahuuscai mian paranmun? Uhuun facu rafu min achi furani cafisca min huaa.

Génesis 4:10

Nocon Ifo Diosin yoini, —¿Ahuuscai min ushto rutuamun? Min ushto mai huafia ahuun imi foaiton un oian. Ahuun imi foaiton min ushto ua yoi cafisca hua, “Uhuun ochin ua rutua. Ascacun uhuunshon uhuun ochi min onaintimatiroran,” ishon ua yoiaquin.

Génesis 44:15

Ascano José ato yoini, —¿Man ahua huamun? ¿Man tapiamamun ua cuscaran nocofunun yora ahuara huaiton un ahuarahuunshon un samamashta tapitiro ahuara icai cuscan? —ishon José ato yoini.

Éxodo 32:21

Ascatan ahuun ochi Aarón yocani, —¿Ochin, na yorafoanmun mia ahuusca huacun min ato fasi chaca huamaicain? —ishon yocaiton.

Josué 7:19

Ascatan Josué Acán yoini isca huaquin, —Tsain icocoin fusti yoihuun nocon Ifo Diosi noco yononi cuscan. Min ascaifin minrifi min nocon Ifo Dioshuunoa yorafo shinanmasharatiroquin. Dioshuunoa yoisharahuun. Min aca cuscan noco yoihuun. Ua fomanyamahuun, —ishon Josué Acán yoini.