Génesis 11:31 - Sharanahua: Diospan Tsain

³¹ Ascan Taré mai Caldea ahuun pushu rasi Ur anoashu Canaán mai ari cani. Ahuun facu Abram non ahuun shota Lot non ahuun fafahuanri iyoni. Ascafia pushurasi Harán ano nocoashu nanno nituni pushu huashquin.

Génesis 11:31 ပူးပေါင်းရင်းမြစ်များ

Génesis 10:19

Nantifi nan Canaán ahuun funafo nan manifotifi aton mai uhuapa nan Gerar anoashu pushu rasi Sidón ari noconifo. Nannoashu pushu rasi Gaza ano noconifo. Nannoashu pushu rasifo nan Sodoma yafi Gomorra nan Adma non Zeboim non Lasa anori nan Canaán funafoan ato mai ipaoni.

Génesis 11:32

Ascan Harán anoashu Taré doscientos cinco fari aqui caano nani.

Génesis 12:4

Ascano nan Ifo Diosin yononi cuscan nan pushu rasi Harán anoashu Abram cani. Canaán mai ano cainitian ahuun fari setenta y cinco faria Abram ini. Ascashon iyoni ahuun ahuin Sarai yafi ahuun ushto facu Lot iyoni. Nantifi ahuun ahuarafo yafi Lotpan ahuun ahuarafori foni. Ahuun oinmatifo a fu fonifo. Nanfo a fu Harán ano iyopaonifo. Ascan Canaán ano noconifo.

Génesis 14:12

Nantiari Lot Sodoma ano ica ipaoni. Ascashon nan Lot yafi ahuun yorafori iyonifo. Ahuun mafo fianfain.

Génesis 15:7

Ascashon afanan Ifo Diosin Abram yoini isca huaquin, —Unfin min Ifoquin. Un mia Caldeofo aton pushu rasi ahuun anu Ur anoashu mia ihuuni mai futsa shara mia inanshquin mina inon, —huaiton.

Génesis 24:10

Ascatan ahuun oinmatinin Abraham ahuun ina camellofo non ahuara shara futsa futsatapafo foni. Pushu rasi ahuun anu Nacor nan Mesopotamia mai ano nan fari caiquiri noconi.

Génesis 24:15

Cufinquin anaitiataima shomaya Rebeca cuti tutsamuashu oni. Nanton Betuel ahuun facu. Nan Betuel Milca yafi Nacor facu. Nacor Abrahampan ushto.

Génesis 27:43

Ascacun uhuun facun ua nicahuun. Uhuun ochi Labán icano ichotahuun. Ochi Harán ano icaqui.

Génesis 28:10

Ascatan Jacob Beerseba anoashu Harán fain cani.

Hebreos 11:8

Nocon shuni Abraham arifi Dios icoinra huacoinpaoni. Ascan Diosin Abraham yoiquin isca huani, —Nan un mia iyopaiyaiquiri min catiro. Ascan min cainni anoashu catahuun. Nanno un mia mai inain mina inon, —ishon Upa Diosin yoini. Ascaran tapiataima ini raquiricaimain caiquin. Ascafia nan Diosin yoia cuscacoin ani.