Génesis 10:32 - Sharanahua: Diospan Tsain

³² Ascan nanfofin Noé ahuun facufo aton funafo iniquin. Ascashu manifoti ichaparasi cainifo. Nanfofin mai futsafoya iniquin. Nan faitahuan nashano chipo nanfo pashcanannifo. Ascashu maitio pashcanain futsuashu caifo futsa futsatapafo iniquin.

Génesis 10:32 ပူးပေါင်းရင်းမြစ်များ

Génesis 10:1

Noé facufo nan Sem yafi Cam non Jafet nanfo man faitahuan nashano chipo facuyai taunifo. Natian nan rafu non fustiton aton funafohuunoa mato yoi man tapinon.

Génesis 10:20

Ascan nantifi nanfo Cam ahuun funafo. Nan manifotifi nan caifotifi aton maicoin non aton tsaincoin ipaoni.

Génesis 10:25

Ascano chipo Heber arifi facu rafuya ini. Ascashon futsa anuni Peleg. Nan Peleg niyoatian manifoti pashcanain taunifo. Nan Peleg a fu nanua futsan ahuun anu Joctán.

Génesis 10:31

Nanfofin Sempan ahuun funafo iniquin. Mani futsa yafi shoco futsafofin maiyacain tsain futsayafo iniquin.

Génesis 10:5

Nanfo Jafet ahuun funafo unuhuan cusumunri ipaonifo. Atirifi mai futsano ato yorafo fu ipaonifo. Ascaino atirifi tiri futsa aton mai ano ipaonifo. Nanscashu pashcanannifo. Aton tsainri futsa futsatapafo ini.

Génesis 11:1

Nantia tauyopaonifo nantifi yorafo tsain fustimansi ipaonifo.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

Génesis 9:19

Nan rafu non fusti Noé facu ini. Nanfohuunoashu afanan nan maitio facu ichapa caini.

Génesis 9:7

Ascashon facu ichapa caihuacahuun nan maitio inonfo, —ishon Dios ato yoini.

Hechos 17:26

Diosin nocofunu onihuaquin tau huani. Na nocofunuhuunoashu manifoti caicani. Aafin yononi raquifomain icanicain. Ahuuti farimain itirofoquin arusu fusti tapia.