Génesis 1:28 - Sharanahua: Diospan Tsain

²⁸ Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.

Génesis 1:28 ပူးပေါင်းရင်းမြစ်များ

Génesis 1:22

Ascashon Diosin oian nantifi onihua cuscan shara oinquin yoini isca huaquin, —Unu muran icafoan facu ichapa icain puiyaton facufo maifoti ichapa cainonfo, —ishon yoini. Ato shara huashoni.

Génesis 17:16

Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.

Génesis 17:20

Ascan mian Ismaelhuunoa yoiai cuscan mun nica. Un nanrifi shara huashquin. Ascashon ahuun funafo un ichapacoin imashquin. Doce manifoti ahuun funafoan niaifo uhuapa iishquicani. Ismaelhuunoashuri mani futsa ahuun yorafo ichapacoin iishquicani.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 33:5

Ascatan Esaú ahuun ushto yocani, —¿Tsoafo mi fu fuafomun? —ishon yocaiton. Jacob cumani, —Nafofin uhuun facufoquin. Unfin min oinmatiquin. Diosin ua shara huaquin ua na facufo inanran, —huaiton.

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Génesis 5:2

Nocofunu yafi ainfo oni huaquin tau hua fasi sharacoin rafu inifo. Ascashon ato oni huatian atori anuni, “Yoraran,” huani.

Génesis 6:1

Ascan Noé niyoatian yorafo ichapacoin cai taunifo. Nantiari aton facu ainfo ichapacoin cainifo. Ascacun Diospan facufoan oian shomaya fasi sharamishticun catonpaonifo fiishcaquin.

Génesis 8:17

Nan mi fu shashohuan muran iquimisifo yoinafo yafi puiyafo nichifain inafori nichifain nan mai ano sharafori nichifain nantifi ato cainmahuun mai anoshon aton facu ichapa caihuanonfo, —ishon Diosin yoini.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

Génesis 9:7

Ascashon facu ichapa caihuacahuun nan maitio inonfo, —ishon Dios ato yoini.

Salmos 107:38

Nocon Ifo Diosin ato shara huafafainni aton facu ichapa cainon. Nocon Ifo Diosin yonoa cuscan aton moifori ichapa cainon.

1 Timoteo 4:3

Ascashon fasi amaquiri futsafo yosicaquin isca huacani, —Mancai fianantiroma. Atirifi tushu man pitiromaran, —ishon ato parapaicani. Anori yosipaifiaifoan Upa Diosin nantifi tushu onihuani cuscan non nanfo unimacain pitiro. Ascashon piquin non Upa Dios, —¡Aicho! —huatiro. Ascan non Diospan tsain icoinra huashon ahuara iconcoin non tapitiro.