Génesis 1:14 - Sharanahua: Diospan Tsain

¹⁴ Ascashon Diosin yoini isca huaquin, —Nai arishon yamu mai ano chashaifo icain shafantan chashairi inon, —Ascatari shafan yafi yamu pashcanan huani. —Nanhuunshon faritifi tapifain oshutifiri tapifain shafatifi nanfohuunshon non onanon.

Génesis 1:14 ပူးပေါင်းရင်းမြစ်များ

Génesis 1:13

Nanscafi osha rafu non fustitan huaniquin.

Génesis 1:15

Ascan nai arishon chashaino nan maitio shafan inon, —Diosin huani. Ascaino nanscacoin ani.

Génesis 8:22

Nan mai cuyoataima icai cuscan fana ushufo yafi nan yonofo chituaifotian shana yafi matsicoin inonpacoin. Ascano nan oipacutian yafi faritian shafan yafi yamuri iishquiran, —ishon Diosin ato yoini.

Génesis 9:13

Ascashon nanhuanfai un nai coin muran hua afanan faitahuanacamaran ishon man tapinon. Un mato yoia cuscan nantifi maitio anoafoan icoinra huatirofo.

Mateo 2:2

Ascano nococashon ato yocanifo, —Raniashumun a facu caianquin Judiofoan aton niaifo ishquiai. Non fishi oianhuunshon non tapia facu caincun. Man nonfin ahuun fishi fari oai aria oianquin. Ascacufin non aqui unimai oaquin. Min nocon niaiforan ishon oinpai non oaran, —ishon ato yocanifo.

Mateo 24:29

Ascashu nan omitsiscaifo cuscan anaitiano fari afanan chashayamafain oshuricai afanan chashashquima faquishicoin iishquin. Ascaino fishifori nai ariashu pacui futsushquin. Nantifi nai murannoafori nayanaiyaishquin.

Marcos 13:24

Ascan nan omitsiscai cuyocoiainno fari faquishcoin ishquin oshuri faquishcoin icaino fishifo nai ariashu pacui futsushquin. Nantifi nai murannoafo naiyanaiyainqui futsushquin.

Lucas 23:45

Ascainocai fari chashayonima. Ascashu man fari caino afanan shafani. Ascaino nantianri Dios fu tsainti pushu murannoa Dioshuunoashu panomanhuan pochimua aficoin nushmancayan fashnupacucahuani.

Deuteronomio 4:19

Ascatari nai ari oinquin fari non oshu non fishifo, “Nanfori nocon diosifo non ato cufinon,” ishon anori shinanyamacahuun. Nanfofin nocon Ifo Diosin oni huaniquin nan yora manifoti icanoafo ato chashasharashonon.

Apocalipsis 6:12

Ascatan Jesús nan chashoan facu cuscaraton afanan nan cunu tashna huamua futsari fupuaiton un oian. Fasi curushcai mai nayanaiyaicain farin afanan chashayamaino nan sahuuti cushto fisopaton fupoa cuscara faquishcoin icain oshu oshicoin imi ointsa icain.

Apocalipsis 8:12

Ascatan Diosin oinmati futsan arifi ahuun manuti chaan chaan acaino farin la tercera afanan chashasharama oshuri la tercera afanan chashama. Ascaino la tercera fishifoanri afanan chashafoma. Ascashu shafata cuatro horas faquishia. Yamuri cuatro horas fasi faquishcoin.

Apocalipsis 9:2

Ascashon ato cainmatanaino nan mai quininhuan murannoashu coinmahuanfoya nai muran foafo. Ascaino fari chashasharayoama. Nantio nai faquishcoin iyoa.