Éxodo 9:12 - Sharanahua: Diospan Tsain

¹² Ascano nocon Ifo Diosin Faraón ahuun nomuran curush huani Moisés yafi Aaróncai nicapainima. Nannori Diosin Moisés tapimayoni.

Éxodo 9:12 ပူးပေါင်းရင်းမြစ်များ

Éxodo 10:1

Ascano nocon Ifo Diosin Moisés yoini isca huaquin, —Unfin Faraón yafi ahuun niaifo patasharinoafo un aton nomuran curushmanicai un ahuamamishti huatiro cusca nantifi yorafoan oinonfo. Ascashon min non min caifofoanri un ahuamamishti huatiro oinquin maton facufo non mato funafori man ato tapimatiro. Min nantifi yoitiro un Egipciofo onaintimaiton minrifi oinquin min tapicointiro unmain maton Ifo Diosincufin. Ascacun un Faraón yoipaiyai cusca min ua yoishotiro. Faraón ano catahuun yoishquin, —ishon nocon Ifo Diosin Moisés yoini.

Éxodo 10:20

Ascaiton afanan nocon Ifo Diosin Faraón ahuun nomuran curush huamani Israelifo nichinonma.

Éxodo 11:10

Nocon Ifo Diosin ahuun curushhuunshon Moisés futan Aarón ahuamamishti Faraón ointaifi huanifo. Ascafia Diosihuunshon Faraón ahuun nomuran curush huaino Moisés icoinra huanima. Ascashocai Israelifo Egipto mai anoshon nichipainima.

Éxodo 14:8

Nan Israelifocai tsoashta ratunima Egipcio mai anoashu foaifotian. Nocon Ifo Diosin Egipciofoan aton niaifo Faraón ahuun nomuran curush huamani Israelifo mufaitan ato achinon.

Éxodo 4:21

Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Éxodo 9:7

Nantian Faraón ahuun yorafo nichini Israelifoan aton inafohuunoa tapishquin. Ascano Faraón ahuun yorafo aqui nasoshon yoinifo isca huaquin, —Niaifo Faraón, Israelifoan aton inacai fustishta namafinquin, —ishon yoinifo. Ascafiano nantian Faraón ahuun nomuran curush huani Israelifocai nichipainima.

Juan 12:40

“Icoinra huayamaifoan Upa Diosin fusho ointsa ato imapacushquin. Diosin tsain iconcoin oinfiacashon icoinra huaiyamaifoan Diosin aton shinantimahuatani shinansharanonfoma. Diosin tsain oinfiacaquin oianma shinantsacani. Nicafiacanashon shinansharatirofoma tapishcaquin. ‘Muafo aton chaca shatucasmacani uqui funonfo un ato cainmasharanon,’ ishon Diosin yoini.” Nannori Jesushuunoa Isaías inaca cuscan cunushoni.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.