Éxodo 7:17 - Sharanahua: Diospan Tsain

^17-18 Ascacun nocon Ifo Diosin afanan mia yoi isca huaquin, “Un Moisés yonoa ahuun poquitinin unu Nilo tsacanon. Ascano unu tsacaino fianananriscatanon imi inon. Ascan shimanfo unu Nilo murannoa nai futsushquin. Fasi piisicoin iishquin. Nansca huano min non min caifo Egipciofo nan unu Nilo afanan ayatiroma. Un asca huaino min tapitiro Unfin Ifo Diosinquin,” ishon min nannori Faraón ua yoishotiro, —ishon nocon Ifo Diosin Moisés yoini.

Éxodo 7:17 ပူးပေါင်းရင်းမြစ်များ

Éxodo 1:22

Ascashon Egipciofoan aton niaifoan Faraón nantifi ahuun caifofo ato yononi isca huaquin, —Hebreofo aton facu furonanfacufo rama cainyaifo ato unu Nilo muran potacahuun asanonfo. Ascan shotocofacufo unu muran potayamacahuun ninonfo, —ishon ato niaifo Faraón yononi.

Éxodo 4:9

Ascafia nan rafu min ato ismaiton mia icoinra huayamafain mia nicacasmaifoan unu Nilo fuahuu nan mai mutoano ocashquin. Min asca huaino nan unu fianananriscatan imicoin oniriscatanon, —ishon nocon Ifo Diosin Moisés yoini.

Éxodo 5:2

—¿Tsoamun nan maton Ifo Diosiquin ua yononon un maton caifo yafi mato nichinon? Uncai maton Diosi tapiama tsoanmainquin. Ascacun uncai nan min caifo Israelifo nichima, —ishon Faraón ato cumani.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Éxodo 7:20

Ascano nocon Ifo Diosin ato yononi cuscan Moisés futan Aarón huani. Faraón yafi ahuun niaifo patasharinoafo aton ointaifin Aarón ahuun poquiti finifoantan unu Nilo tsacaino unu fianananriscatani imicoin inon.

Éxodo 7:5

Uhuun yono nan un ahuamamishti atiro cuscan un ato oinmashon shinan futsamashquin maton caifo nan Israelifo nichishquin. Ascaiton oinquin Egipciofoan tapishcani unfin Ifo Diosiquin, —ishon nocon Ifo Diosin yoini.

Daniel 4:17

“ ‘Nannori Diosin tsain fomisi sharafoan yoiaifo cuscan nanscaracoin iishquin. Ascaiton nicacaquin manifotiton tapitirofo Ifo Diosin nantifi finonshon manifoti ato iquinin. Nan fustitofin tsoa niaifo imapaiquin imatiroquin. Diosin nocofunu ahuamari niaifo imapaiquin imatiroran,’ ishon ua yoia.

Daniel 4:32

Yorafoan min pushu muranshon mia nichicani afanan yorafo fu itamarocon min fasi fununun cai yoinafo icano. Nan moifoan fasi pitiro cuscan min nansca huai. Siete fari finontan min yoishquin isca huaquin, “Ifo Diosin nantifi finoncoian. Nantofin nantifi manifoti ato iquinanquin. Nantofin ratoran yora niaifo imapaiquin imatiroquin,” ishon min yoicairan, —ishon nai murannoa Nabucodonosor oi nicani.

Daniel 4:37

Ascan uquian Nabucodonosor un Ifo Diosihuunoa yoisharai. Nanfin nai muran icaquin niaifoquin. Nantifi nanton aca cuscan cayacafi shara huafain yorafori ashomisi cuscan cayacafi shara huamisi. Ascacun nantifi ahuunoa ifo huacahuun. Tsoa futsacai a cuscara sharama. Nantofin nantifi finoncoianquin. Ratomain cacapaimisishon yoiquin isca huaicain, “Unfin sharaquin. Un apaiyai cuscan fusti huatiroquin,” ishon yoiaiton Ifo Diosin na cuscara unumatiro afanan min ahuamaran ishon tapimatiroran, —niaifo Nabucodonosor yoini.

Daniel 5:21

Yorafoan nannoshon potanifo. Nan yoinaton shinain cuscan arifi shinanpaoni. Ascashu yoinafo burro icai cuscan foanfaincaquin min shuni arifi ato futan fasi pipaoni. Ahuun caya nifipan muchana huapaoni. Fari ichapa nisocoin iyopaoni afanan shinansharacoinquin yoini isca huaquin, “Ifo Diosin min nantifi finoncoian. Min manifoti min ato iquina. Min tsoa niaifo imapaiquin min imatiroran,” ishon min shuni Nabucodonosor nocon Ifo Diosi yoini.

Daniel 5:23

Ascatamarocon min futsafo shinanmapaiquin isca huaiquin, “Unfin Dios nai murannoa un finoanquin. Diosi nai muran icacai nancai ahuamaran,” ishon min yorafo shinanmapai. Ascan nan cuchofo Diospan tsainti pushu murannoa funifo min non niaifo patasharinoafo non maton ainfofoyashon nan cuchofoan man vino aya. Min yoia isca huaquin, “Noco diosfo shara. Non ato ramihua platahuunoa non orohuunoa non cuno broncehuunoa non cuno hierrohuunoa non ihuihuunoa non toquirihuunoa ato ramihua. Nanfo fasi sharacoinran,” ishon min yoia. Nanfoancai oinyamafain nicayamafain ahua tapitiromafofiacun. “Nocon diosforan,” ishon min afohuunoa yoia. Mi fu fusiafoanri nannori yoiafo. Anori yoifiaquicai min Ifo Dioscoinhuunoa yoi sharamisima. Nantomain mia nimatiro iyamarai mia namatiroquin.

Apocalipsis 11:6

Ascashon Upa Diosin ato yonoaino nan rafutan Diospan tsain futsafo yoiaitian aton tsainmansi yoitirofo afanan oi fuyononma. Ascatan unufo yafi ianfo non unuhuan nanfori aton tsainmansi unu fiananan huariscatiro imi inon. Asca huapaiquiri aton tsaimansi pau futsa futsatapafo yorafo fuchimatiro.

Apocalipsis 8:8

Ascatan Diosin oinmati futsanri ahuun manuti chaan chaan acaino machi uhuapa chi urumanhuan ointsa Diosin nai muranshon potaino unuhuan muran pacua. Ascano unuhuan cashcu futsa imi ica. La tercera del unuhuan imi ica.