Éxodo 4:31 - Sharanahua: Diospan Tsain

³¹ Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Éxodo 4:31 ပူးပေါင်းရင်းမြစ်များ

Génesis 17:3

Nicain Abram fuopacucahuani.

Génesis 24:26

Nannori nicatan nan oinmatinin ratoconun mai chachini nocon Ifo Diosi cufinshquin.

Génesis 29:32

Leapan facu nanua furonanfacu cainni. Ascashon Lea yoiquin isca huani, —Nocon Ifoan oinni un fasi un shinanpaiyaiton. Ascacun Dioshuunshon uhuun funun ua facu nanumani. Ascacuraca natia uhuun funun ua noishquin. Uhuun facu anuquin Rubénran, —ishon anuni.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Éxodo 12:27

“Non Egipcio mai anoashu oaitian nocon Ifo Diosin nantifi Egipcio aton furun iyoafofo namanitian nantianri nocon pushufoti finonmani nocon furun iyoafofocai namanima. Ascano nan shafatan ano fusiaitian chashoanun facu cahuashara non rutunon nocon Ifo Diosi ismafain non fasi unimai noco Egipcio mai anoshon numaniran,” ishon nocon facufo man yoitiroran, —ishon Moisés ahuun caifo niaifo patasharinoafo yoiaino nannori nicacani ratoconun mai chachishon nocon Ifo Diosi cufinyanan ahuunoa yoisharanifo.

Éxodo 14:31

Nan noco Ifo Diosin ahuun curushhuunshon Egipciofo nama cusca Israelifoan oincaquin yoinifo isca huaquin, —¡Aicho! Nocon Ifo Diosin ahuamamishti huatiro, —ishon yoinifo. Ascashon nocon Ifo Diosihuunoa yoisharafain a icoinran huafain nan ahuun oinmati Moisésrifin icoinra huanifo.

Éxodo 19:8

Nannori nicacatan cumaquin isca huanifo, —Nocon Ifo Diosin noco yonoa cusca nantifi non ashquinran, —ishon yoinifo. Nan yoiaifo cusca nicatan Moisés nocon Ifo Diosi yoini.

Éxodo 19:9

Ascashon afanan nocon Ifo Diosin Moisés yoini isca huaquin, —Un matoqui nai coin cushtocoin muran oshquin un mia yoiai cusca min caifofo nicashon mia icoinra huapanonfo, —ishon nocon Ifo Diosin Moisés yoini. Ascan ahuun yorafo yoiafo cusca Moisés ahuun Ifo Diosi yoini.

Éxodo 3:16

Ascacun natian min catiro min caifo aton niaifofo ichanan huahuu. Nan un mia yoia cusca un ato tapimanon. Ato yoitahuun isca huaquin, “Nocon Ifo Diosifin Abraham non Isaac non Jacob nan nocon shunifoan aton Diosiquin. Arus fustifin ua oinmanaquin. Ascashon ua yoiquin isca hua, “ ‘Un min caifo Israelifo oian Egipciofoan ato fasi omitsisca huaiton.

Éxodo 3:18

Min caifo Israelifoan aton niaifofoan mia nicatirofo. Nan mia nicaifoanno ato fu nan Egipciofo aton niaifocoin ano man catiro uhuun tsain yoishquin. Yoiquin isca huahuu, “Nonfin Hebreofoquin. Nocon Ifo Diosin no fu ica. Ascacun noco nichipun non nunoashu osha rafu non fusti non tsoa istaipama ano catanon. Nannoshon nocon Ifo Diosin non inafo rutushon non ahuun tsain nicayanan non ismasharanon,” ishon nannori yoitacahuun.

Éxodo 3:7

Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Éxodo 33:10

Ascaiton oincani nantifi Israelifo aton pano pushufo aton caicainti ano nan niafoan arifi Diosi cufinnifo.

Éxodo 34:8

Nannori huaiton nicai Moisés maiqui fuopacuni nocon Ifo Diosi ismashquin nan ahuun noiai cusca nan nicasharapaicoin.

Éxodo 4:5

—Nan min chipo ato iscara ismaitian unquian nan mato Ifo Diosin maton shunifoan aton Ifo nan un mia nichiaitian chipo mia icoinra huashcani. Nan maton shunifo Abraham non Isaac non Jacob nanfoan un aton Diosin. Nanscacun nan un miqui nocoaiton mia icoinra huashcani, —ishon nocon Ifo Diosin yoini.

Lucas 1:68

“Uhuun caifo Israelifoan nocon Diosin fasi sharacoin. Nocoqui oa noco numashqui.

Lucas 8:13

Ascan nan toquiri camaqui mai ichapama cuscan nanscarifiai yorafoan Diosin tsain nicaquin tau huai unimacoinyofiashu ahuara ahuuscaraino samamashta cachiquiri huatiro. Nanfoan Diospan tsain icoinra huaqui chai huashoma ahuara chaca finonquin samamashta Dios cachiquiri huatirofo.