Éxodo 32:30 - Sharanahua: Diospan Tsain

³⁰ Ascano iyoconaino Moisés ahuun caifo futsafo yoini isca huaquin, —Uhuun yorafoan, man nocon Ifo Diosi fasi chaca huafo. Ascafia un natian nocon Ifo cufin cai. Un mato cufinshonaino maton chaca nocon Ifo Diosi rau huatiroraca, —ishon ato yoini.

Éxodo 32:30 ပူးပေါင်းရင်းမြစ်များ

2 Samuel 12:9

¿Ascan ahuuscaquin uhuun tsain ahuamaran ishon min shinanmun? ¿Ahuuscai min chaca huamun? Min Amonitafohuunshon Urías rutufain ahuun ahuin min fiian min ahuin inon.

Éxodo 32:29

Ascatan Moisés Levitafo yoini, —Uhuun yorafoan, nocon Ifo Diosin mato catoan mato yonopaiyai cusca man anon. Manfin nocon Ifo Diosin nicacoianquin. Maton facufo non maton yorafori mato yonoa cusca man ato rutua. Ascacun na shafata nocon Ifoan matohuunoa shinanshararan, —ishon Moisés ato yoini.

Números 16:47

Ascano Moisés yonoa cusca Aarón aton caifo icano cariscani. Nan pala uhuapamashta murannoa ininti coaino Aarón Ifo Dios ismani ahuun caifofo aton chaca rauhuashon ato namanonma. Asca huafia atirifi pau fuchinifo.

Lucas 15:18

Asca natian un afanan uhuun Upa ari cai. Nocoshon uhuun upa un yoitiro isca huaquin, ‘Upan, un Dios chaca huafain miari chaca huamisi.

Lucas 7:47

Ascacun un mia yoi. Na ainfoan ahuara ichapa chaca huafiamisicun natian ahuun chaca mun soashona. Ascashori mun rau huacoinna uhuun fasi noiaiton. Asca tsoan shinanquin isca huai, “Uncai ichapa chaca huamisima. Ascacun uari uhuun chaca ichapama ua rau huashotiroran,” ishon shinaintocain ua ichapa noimaran, —ishon Jesús Fariseo yoini.

Gálatas 3:13

Ascan Moisés noco cunushoni cuscan non ayamaiton Upa Diosin noco onaintimashquiran ishon cunufiani nococairocon finonmacufoantan Furun onaintimani. Nocohuunoashu omitsiscani. Diospan tsain cununi isca huaquin, —Ratoran futsa ihuiqui mastaifo nanrifi Upa Diosin onaintimai omitsiscanon, —ishon cununi. Ascan non chaca huamisiano Cristo nocohuunoashu ihui coyan iquinanqui nani. Noco nashoyamanicun non omitsiscapacuana.

2 Timoteo 2:25

Diospan tsain iconshara nicacasmaifori oi tsii huafain ato tapimasharahuun Diosin aton nomuran shinanma futsaino ahuun tsain iconcoin tapinonfo.

Santiago 5:16

Ascacun man chaca huaa cuscan yoinonancahuun Upa Diosin maton chaca soashonon mato caya huanon. Ratoran futsan Jesushuunoashu isharashon nanton mato Upa Dios cufishonaiton nicasharashquin nan cufiai cuscan ahuamamishti huashotiro.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 12:20

Nannori yoiaifoan Samuel ato cumaquin isca huani, —Ratuyamacahuun. Man chaca huafiashon nocon Ifo Diosi cachiquiri huatamarocon nan mato yonoai cuscan huashocahuun. Ahuara futsa shinanyamacahuun. Unimayanan nan mato amapaiyai cuscan huashocoincahuun.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.

1 Samuel 2:17

Aton Ifo Diosin yononi cuscan futsafoan aton ina Diosi inanpaiyai cuscan nan Elí furu rafutan shinannifo acai ahuama. Ascacun Elí furu rafutan apaonifo cuscan nocon Ifo Diosin oinni fasi chaca huaifoan.