Éxodo 32:12 - Sharanahua: Diospan Tsain

¹² Min ato rutuaiton oinquin Egipciofoan yoishquin isca huaquin, “¿Ahuuscai ato Ifo Diosin Israelifo machi ano ihuuamun nannoshon ato rutuquin futsashquin?” ishon Egipciofoan yoishquicani. Ascacun uhuun Ifo ato rutuyamapun. Atohuunoa shinan futsapun ato rutushquima. Nan yorafohuunoa min shinain cusca afanan anori shinanyamapun.

Éxodo 32:12 ပူးပေါင်းရင်းမြစ်များ

Génesis 6:6

Asca huaifoan oin nocon Ifo Diosin ahuun nomuran fasi isincoin muuquin yoini, —¡Ohua! Un yorafo oni huanima shara icuanaran, —ishon shinanni.

Éxodo 32:14

Nannori Moisés huaiton nicaquin nocon Ifo Diosin shinan futsani. Ascashocai Israelifo cuyonima. Nan ato yoia cusca ato rutuqui cuyopaifiaquin.

Éxodo 33:13

Ascacun min uqui unimaimainquin min ashquiai cusca ua tapimahuun un mia onancoinfain min ua amapaiyai cusca un mia ashonon. Ifon, ointiaquimayamapun uhuun caifofin min yoracoinfoquin, —ishon Moisés yoini.

Números 14:19

Min yorafohuun noiyai cuscacai tsoa futsafohuun noi ascamisima. Uhuun yorafo Egipcio mai anoashu caitian nantianri mia chaca huamisifofia min aton chaca rau hua afanan aton chacahuunoa shinanonma. Ascacun afanan natianri ato chaca rau huashopun, Ifon, —ishon Moisés yoini.

Números 16:21

—Na yorafomaquinoashu foriscatacahuun un ato namarisca huaiquin, —ishon Upa Diosin Moisés yafi Aarón yoini.

Josué 7:26

Man cooi cuyoafono ato acamaqui toquirifo machinifo. Nantianri nanno nan toquirifo Israelifoan ato camaqui asca huaafo oincai nocon Ifo Diosin afanan atoqui sinanima. Ascashon nanno anunifo isca huaquin, —Machi rafu nushmancayan ahuun anu Acor, —ishon anunifo. Nantianri nannori anumisifo.

Josué 7:9

Nan Cananeofo non nan mai futsa icanoafoan nicacani Hai ano icafoan noco finoncoianfo nanfori nocoqui fucashon noco tarati huayacushquicani noco rutuqui futsashcaquin. ¿Ascano mani futsafoan mihuunoa raqui shinanshquicanimun? Min ahuamamishti huatirofiacun shinantirofo mincai noco cushusharatiroma. ¿Ascacun min ahuusca huatiromun min ahuamamishti huatiro afanan mihuunoa shinanonfo? —ishon Josué nocon Ifo Diosi cufini.

1 Samuel 12:22

Nocon Ifo Diosin mato catonni ahuun yorafo man inon. Nan mato potainocai ahuunoa futsafoan shinansharashquima shinanquin isca huashquicani, “Diosicai mato numatiromaran,” ishon ahuunoa nannori yoishquicani. Nanscacucai mato potapacunacama ahuunoa shinanchacanonfoma.