Éxodo 3:20 - Sharanahua: Diospan Tsain

²⁰ Nan un ahuamamishti huai cuscan un ato oinmashquicai. Ascaiton oin uhuunnoashu nan aa non ahuun yorafo omitsiscaifo cuscan. Un ahuun caifofo namashquiai cusca oinquin aton niaifoan mato nichishquin.

Éxodo 3:20 ပူးပေါင်းရင်းမြစ်များ

Génesis 15:14

Ascafia nan mai futsa anoa un yorafori curushcain un ato onaintimashquin. Ascano min funafoan chipo atomaquinoashu focaquin nan mai futsa anoa mafo ichapa foshcani.

Éxodo 11:1

Nocon Ifo Diosin afanan Moisés yoini isca huaquin, —Natianfin un afanan Faraón yafi ahuun caifofo onaintimaicain. Ahuun unutaquin nan fusti un afanan ato onaintimai. Ascaino nan un ato onaintimaino ipaitama Egipcio mai anoshon mato nichishquicani. Ascashon mato yoishquicani isca huaquin, “Nocon mai anoashu fotacahuun,” ishon Faraón mato yoishquin.

Éxodo 12:39

Nan Egipciofoan ato nichirisca huaitiancai nan misi farashati maisi Egipcio mai anoashu fonifo. Tsoancai aton tushu pichatiro inima. Nan samamashtacoin ato nichiaifoanno cai tsoan manatiro inima. Ascashon misi farashati maisi fusti pinifo.

Éxodo 13:3

Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 13:9

Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Éxodo 15:11

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Éxodo 15:6

Ifo Diosin minfin min curushhuunshon min ahuamamishti huatiro cusca man oianfo. Min curushu fasi sharacoin man oianfo. Nan noco noicasmaifo min ato onaintimacoian afanan ninonfoma.

Éxodo 4:21

Ascano afanan nocon Ifo Diosin Moisés yoini isca huaquin, —Minfin uhuunshon ahuamamishti huatiroquin. Ascano nan min Egipcio mai ano nocoaitian niaifo Faraón ano catahuun min uhuunshon ahuamamishti huatiro cusca ismashquin. Ascafia unfin Faraón ahuun nomuran shinanmanicai min yorafo ato nichinonma.

Éxodo 6:1

Ascano afanan nocon Ifo Diosin Moisés cumani isca huaquin, —Un Faraón onaintimai cusca min natian oincai. Uhuun curushhuunshon Faraón min yorafo Egipcio mai anoshon nichishquin.

Éxodo 6:6

Ascacun min caifo Israelifo ua ato yoishohuun isca huaquin, “Unquian mato Ifo Diosin. Unfin Egipciofo uhuun yono ismaicai. Un ahuamamishti huatiro cuscafin man oincain. Nantiancai afanan man curushcai yonoima. Afananricai tsoa aton yonomatifo iquima. Unfin mato numaicai. Ascashon Egipciofo un ato onaintimacoin uhuun curushhuunshon man ato mai anoshon un mato nichishquin.

Éxodo 9:15

Un mato onaintimapaiquifin un mato omitsiscama cuanaquin man nai futsunon. Afanancai man na mai ano icuanama.

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Deuteronomio 4:34

Upa Diosin mato ashomisi cuscacai ahuara rami huafoan mato ashotiroma. Upa Diosin mato Egipcio anoshon iyoni. Futsafoan mato chaca huafiaiton Diosin mato numa. Aafin mato ahuamamishti ismapaoniquin. Aafin mato oinmamisiquin ahuamamishti huatiroshaquin. Tsoa futsa atiroma cusca nocon Ifo Diosin mato ismamisi. Nantififain man man oinmisiquin. Man ahuara rami huatocai Diosin mato ashomisi cusca mato ashotiroma.

Deuteronomio 6:22

Nantian non oinni nocon Ifo Diosin ahuamamishti tsoan ascara oinyomisima cuscara noco ashoni. “Ascan nanfohuunoashu Egipciofo fasi omitsiscani. Aton niaifo Faraón fasi omitsisca huafain ahuun yorafori nantifi nocon Ifo Diosin ahuun curushhuunshon ato omitsiscamani.