Éxodo 20:6 - Sharanahua: Diospan Tsain

⁶ Ascan tsoan ua noicoinfain un ato yonoa cusca ai nan cuscarafo un ato ismashquin un fasi atohuun noicoin. Ascashon ahuun funafori nantifi ahuun yorafo nan mai furoti nantishotapiquin un ato ismai un atohuun noiyai cusca.

Éxodo 20:6 ပူးပေါင်းရင်းမြစ်များ

Salmos 103:17

Asca tsoan nocon Ifohuunoa shinansharamisifin atohuuncai noiquin unupacunacama. Aton facufo yafi aton funafori ato yoiyoni cuscan huafain ato yononi cuscari huaifoan ato numashquin nanfo a fu nipanonfo.

Éxodo 34:7

Unfin yorahuan rasi ato ismamisiquin un ato noiai cuscacai unupacunacama. Nan yorafoan chaca futsa futsatapafo huafain un ato yonoa cusca ua nicacasmamisifofia un ato rauhuashocai afanan aton chaca un shinainma. Un ato rauhuafia aton chaca shatuyamaifoan un ato onaintimai. Ua chaca huaifoan unfin atohuunshon aton facufo non aton chatafo non aton shotafo yafi ahuun facufori un ato onaintimairan, —ishon nocon Ifo Diosin Moisés yoini.

Daniel 9:4

Un uhuun Ifo Diosi cufinquin non chaca huai cuscan un yoia isca huaquin, —Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin.

Números 14:18

Nocon Ifo Diosin, nocoqui funa sinayamapun. Min yorafohuun fasi noicai unupacunacama. Uhuun yorafoan miqui chaca huaifo cusca min ato yonoa cusca ayamafiaifoan aton chaca soashofain ato rau huahuu. Min yoiquin isca huani, “Un ato rau huafia aton chaca shatuyamaifoan un ato onaintimai. Ua chaca huaifoan un atohuunshon aton facufo non aton chatafo non aton shotafoan ahuun facufoya un ato onaintimacoinran,” ishon min yoini.

Juan 14:15

Ua noifin un mato yonoai cuscan man aicai

Juan 14:21

Un mato yonoa cuscan ua nicacoinshonfin ua fasi noicoinquin. Ua noicoiainton uhuun Upari ahuun noi. Ascaino urifi un ahuun noi. Un shinain cuscan u ato tapimairan, —ishon Jesús noco yoini.

Hechos 2:39

Jesús yoiquin isca huaita, “Ratoran futsan nuno nocon Ifo Diosin catoan ahuun Yoshin Shara mato ya rafumashquin. Maton facufo ya chai manifoannafori ato ya rafumashquin,” —ishon Pedronun ato yoini.

Deuteronomio 4:37

Maton shunifo fasi noicoinquin matorifi shara huashomisi. Aafin ahuun curushhuunshon mato Egipcio mai arishon mato ihuuni.

Santiago 1:12

Tsoan omitsiscafiaquin tunucoianfin nanfin unimacoin itiroquin. Ascacun Upa Diosin ahuunoa yoiyoni isca huaquin, —¡Aicho! Mian nicasharafain niyoshon mian noimisi. Ascashufin natian min ufu ipatiroquin, —ishon yoini.

1 Juan 4:19

Non Upa Diosihuun noiataima afincoin nocohuun noitauni. Nocohuun noiaino norifi natian non Upahuuri noicointiro.

1 Juan 5:3

Upa Diosin noco yoia cuscan aquin non ahuunshon Dios noicointiro. Noco yonoa cuscacai curushma. Upa Dios noiashu noco yonoa cuscan non unimatiro.

2 Juan 1:6

Noco yononi cuscan non ahuun noicain non futsafohuunri noicoinnon. Man tau huaquin nicamisi cuscan noco yononi isca huaquin, —Shafatifi non noinanoncahuun, —ishon yoini.