Éxodo 20:20 - Sharanahua: Diospan Tsain

²⁰ Nannori yoiaifoan nicatan Moisés ato cumani isca huaquin, —Ratuyamacahuun. Diosin matoqui oaquin man ahuun tsain nicacoinshon man tapinon. Man aqui ratuai cusca chaca huayamacahuun, —ishon Moisés ato yoini.

Éxodo 20:20 ပူးပေါင်းရင်းမြစ်များ

Génesis 20:11

Ascashon Abraham cumani, —Un shinanquin isca huaita, “Nunoashucai tsoa Diosqui ratuima. Ahuunoacai shinanfoma. Ascan uhuun ahuin fu ipaiyaifoan ua rutushcani,” ishon un shinan.

Génesis 22:1

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Génesis 22:12

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Éxodo 14:13

Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Deuteronomio 4:10

Man machi Horeb tunanmanri nocon Ifo Diosin ointaifin man nanno nia ini. Nantian nocon Ifo Diosin ua yoini isca huaquin. “Nantifi min caifofo Israelifo ichanan huahuu un ato tapimasharanon. Nanfoan ua nicasharafain tapitirofo ahuuscashomain nan mai shara anoshon uhuunoa shinansharafain un ato yonoa cusca nicasharafain aton facufori tapimacanicain. Ascano nanfoan niyocashon ua nicasharatiroforan,” ishon ua Diosin yoini. Nanhuunoari maton facufo tapimacahuun.

Deuteronomio 6:2

Ascano maton facufo non mato funafori man niyoshon nocon Ifohuunoa shinansharafain man ahuun tsain nicashara. Mato yonomisifoti man nicasharacun mato chai niimapacutiro.

Deuteronomio 6:24

Nocon Ifo Diosin noco yoini isca huaquin, ‘Nantifi un mato yonoa cusca acahuun. Man asca yamaino musucoin itiro,’ ishon noco yoini. Nocon Ifo Diosin noco yonoa cusca non aiton noco natian non ishara cusca nocon Ifoan noco nimasharapacunacaquin.

Josué 24:14

Nocon Ifo Diosin noco yoia cuscan man man nican. Ascacun Diosihuunoa shinansharafain a nicasharacahuun noco yonoai cuscan non huanon. Unu Eufrates fari iquiaiquirinoa yafi Egipcio ano nocon shunifoan dioscoinma cufinnifo. Manrifi asca huayamacahuun. Nan rami huafo potacahuun. Nocon Ifo Diosi fusti cufinfain mato yoiai cuscan fusti huacahuun.

1 Samuel 12:20

Nannori yoiaifoan Samuel ato cumaquin isca huani, —Ratuyamacahuun. Man chaca huafiashon nocon Ifo Diosi cachiquiri huatamarocon nan mato yonoai cuscan huashocahuun. Ahuara futsa shinanyamacahuun. Unimayanan nan mato amapaiyai cuscan huashocoincahuun.