Éxodo 18:20 - Sharanahua: Diospan Tsain

²⁰ Ascano Diosin ato tapimapaiyai cusca min ato yoifain ato yonoai cuscari min ato tapimafain nan isharatirofo cusca ato tapimafain Diosin ato amapaiyai cuscari min ato tapimatiro.

Éxodo 18:20 ပူးပေါင်းရင်းမြစ်များ

Salmos 32:8

Uhuun Ifo Diosin min ua yoia isca huaquin, —Min ahuara huai cuscan un mia tapimai min icoinsharanon. Un min nomuran yoi rato fainmain min caicain ahuara chaca huashquima. Unfin mia cushuaquin.

Éxodo 18:16

Nanfoan nannorisi shinanyamacani uqui fucani nan shinainfo cusca ua yoi fucani. Ascano ua yoiaifoan nicaquin Diosin ato yosipaiyai cusca un ato yoifain noco yonoa cuscari un ato tapimai. Ascano ratofoanmain cayacafi shinaincain un nannori ato yoimisiran, —ishon Moisés ahuun raisi yoiaiton nicaquin.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Marcos 13:34

Shinancapon. Nocofunu mai futsa ari caquin iquisi ahuun oinmatifo yoitiro, “Un mato yoiai cuscan uhuun pushu cushusharacahuun. Yonosharacahuun. Futsan uhuun pushu anoshon cushutiro un afanan nasoaitian un oinnon,” ishon ato yoitiro.

Deuteronomio 1:18

Nantian man atiro cusca un nantifi mato yoini.

Deuteronomio 4:1

Uhuun caifofoan ua nicasharacahuun. Nocon Ifo Diosin ua yoimisi cuscan un natian mato tapimai man nansca huanon. Nocon Ifo Diosin nocon shunifoan aton Diosiri. Man ahuun tsain nicasharaquin man nisharacain nan mai shara noco inain non nanno iisharanon.

Deuteronomio 4:5

Uhuun yorafoan shinancahuun. Nocon Ifo Diosin ua yonoa cuscan un mato tapimamisi man nicasharanon. Ascan chipo na mai shara nocon Ifo Diosin mato inain man icaitian man ahuun tsain nannoshon man nicasharanon.

1 Tesalonicenses 4:1

Uhuun yoramishtichin uhuun tsain unutaqui un mato yoinon. Non mato yosipaoni ahuuscashumain man itiroquin Diosin matoqui unimanon. Nan non mato yosipaoni cuscan man man nanscacoian. Ascacun afanan non mato yoi noco nicacoincapun. Man Dios tanashara cuscan nocon Ifo Jesushuunshon fasi finacoinquin tanasharacahuun.

1 Samuel 12:23

Un mato nocon Ifo Diosi cufinshoyamaquin un aqui chaca huatiro. Ascan unfin mato Upa Diosi cufinshofafainniquin. Nan un mato tapimanai cuscan man isharafain man cayacafi shara nocon Ifo tanasharanon.